Popular Bible Verses from San Juan 5

Share

’Ika tlen melauak nemechijlia: Yejuan kuajli kaki on tlen nikijtoua niman kineltoka on yejuan onechajtitlan kipiya nemilistli para nochipa. Niman xkitlajtlakolmakaskej, yej ialma yonomanauij itech mikilistli, niman aman kipiya nemilistli para nochipa.

Ijkuak Jesús okitak ompa onok, niman okitak ika ye uejkaui kualo, okitlajtoltij: —¿Tikneki tipajtis?

Nemejuamej nenkitlakuijkuiliaj ikan miyek cuidado on Yektlajkuilojli, pampa nenkinemiliaj ika nenkinextiskej nemilistli yejuan para nochipa ipan on Yektlajkuilojli. Pero maski on Yektlajkuilojli mechnojnotsa noka nejua, nemejuamej xnenkinekij notech nenuajlaskej para nenkipiyaskej on nemilistli.

Jesús okijlij: —Xmotelketsa. Xkajkokui mopetl niman xuiya. Nimantsin on tlakatl opajtik, okontilan ipetl niman onejnen. Pero in onochiu ipan on tonajli ijkuak noseuiyaj on hebreos*.

Kemaj Jesús okinmijlij: —Ika tlen melauak nemechijlia ika nejua yejuan niiKoneu Dios xueli nikchiua itlaj noselti, yej san niueli nikchiua on tlen nikita kichiua noTataj. On tlen noTataj kichiua no nikchiua.