Popular Bible Verses from San Mateo 23

Share

On yejuan más ueyixtikaj nemotsajlan yejua nochiuas nemotekichiuilijkau.

In nochiuas pampa on akin noueyilia kichiualtiskej para ma nokneli, pero on yejuan noknelis kichiualtiskej para ma ueyixtia.

’¡Lástima para nemejuamej temachtijkej ikan itlanauatil Dios niman nemejuamej fariseos*! Nenomexayakyejkej pampa nenkimakaj Dios nemodiezmo de on menta*, de on anís niman de on comino, pero xnenkichiuaj on tlen más ueyi kijtosneki. Xnemouikaj ikan melajkanemilistli, nion ikan teiknelilistli* niman xnochipa nenkichiuaj on tlen Dios tlamandaroua. In yejua noneki nenkichiuaskej niman nentemakaskej nemodiezmo*.

’¡Lástima para nemejuamej temachtijkej ikan itlanauatil Dios niman nemejuamej fariseos*, omexayakyejkej! Lástima, pampa nenkichiuaj para ma mechitakan ken sanoyej nenkuajkualtin tlakamej, pero nemoyojlo tentikaj ikan tlachtekyotl niman ika on nexikojli.

’¡Ay Jerusalén! ¡Ay nemejuamej chanejkej Jerusalén! Nemejuamej nenkinmiktiaj on tiotlajtojkej niman nenkintemojmotlaj on yejuan Dios mechinuajtitlanilia. Miyekpa oniknek nemechsentlalis ken on kuanaka kinsentlalia ikoneuan itlan imastlakapaluan, pero xonenkinekkej.

Ne imixpan oksekimej nesi sanoyej nenkuajkualtin tlakamej, pero nemojtik tentikaj ikan on tlen xmelauak niman ikan tlajtlakojli.