Popular Bible Verses from San Mateo 3

Share

Kuajli xmouikakan para kuajli nenkiteititiskej ika melauak yonenkajkajkej nenkichiuaj on tlen xkuajli.

Kemaj okakistik sen tlajtojli ne iluikak yejuan okijtoj: —In yejua notlajsojkaKonetsin yejuan ipampa nipaktikaj.

Kemaj ijkuak Jesús yonokuatekij, okis itech on atl. Kemaj on, nimantsin on iluikak otlapou, niman yejua okitak iEspíritu Dios uajtemouaya ken itlaj paloma niman onotlalijtejkok ipan.

Melauak nejua nemechkuatekiya ikan atl para nenkiteititiaj ika yonenkajkajkej nenkichiuaj on tlen xkuajli, pero on yejuan nechajtoka kipiya más poder xken nejua, niman nejua xnechmelaua* nion achijtsin para nikakkixtis. Yejua tej, mechkuatekis ikan Espíritu Santo niman ikan tlitl.

Nemejuamej nenijkonmej ken on kojtin* yejuan xtlakij. Nochi kojtli* yejuan xtlakis kitsontekiskej niman kitlatiskej. Yejua ika, xmotakan sano nemejuamej, pampa on hacha ye onkaj listo para kintekis hasta ipan inneluayouan on kojtin* yejuan xtlakij.

On tiotlajtojketl Isaías otlajkuiloj itechkopa Juan ijkuak ijkin okijkuiloj: Yakaj nemi ne kampa xalpatlajkan niman ijkin chikauak kijtoua: “Xyektlalikan nemoyojlo pampa ye uajlau toTEKO. Xmelauakan nemonemilis ijkon ken on tlakamej kuejkueltlaliaj, niman kimejmelauaj se ojtli ijkuak uajlau sen tlakatl yejuan ueyixtikaj.”