Popular Bible Verses from San Mateo 5

Share

Niman xakaj kitlikuiltia sen lámpara niman kitlalia itsintlan sen chikiutli, yej kitlalia kampa tlakpak para ueli kitlauiluiya nochi tlakatl yejuan nemi kalijtik. Nemejuamej tej, ken nenlámparas. Yejua ika, xchiuakan para nemotlauil ma tlauilo imixpan on tlakamej para ijki kitaskej on tlen kuajli nenkichiuaj, niman yejua ika kueyiliskej nemoTajtsin yejuan nemi iluikak.

’Ipan in tlaltikpaktli on tlakamej mechitaj ken nemouikaj. Yejua ika, nemejuamej nennemij ken itlaj on tlauijli yejuan kintlauiluiya. Nochimej uelij kitaj sen ueyikalpan yejuan onkaj ikuapan sen tepetl.

’Dios kintiochiua on yejuan yolchipajkej pampa yejuamej kitaskej Dios.

’Dios kintiochiua on yejuan ikan nochi inyojlo kapismikij niman kamikij para kichiuaskej on tlen kuajli pampa Dios kimpaleuis para kichiuaskej.

Pero nejua nemechijlia: Xkintlajsojtlakan* on nemotlauelikniuan. Xkinchiuilikan tlen kuajli on yejuan mechteneuiliaj tlen xkuajli, niman xkinchiuilikan tlen kuajli on yejuan mechtlauelitaj. Xchiuakan oración impampa on yejuan mechchiuiliaj tlen xkuajli, niman yejuan mechtlauelitaj, miman tlajtlamach* ika mechtlajyouiltiaj.

—Dios kintiochiua on yejuan kimatij ika iminalma xkojtik niman xkipiyaj on tlen Dios kitemaka. Kintiochiua pampa nemiskej ne kampa Dios yejuan iluikak chanej* tlamandaroua.

’Dios kintiochiua on yejuan kichiuaj kanika para maka nokualanikan on tlakamej pampa Dios kintokayotis ikoneuan.

’Dios kintiochiua on yejuan najmanaj pampa Dios yejua kinyoltlalis.

’Dios kintiochiua on yejuan kijyouiyaj ijkuak kintlauelitaj san pampa kichiuaj on tlen kuajli. Kintiochiua pampa nemiskej ne kampa tlamandaroua Dios iluikak chanej.

’Dios kintiochiua on yejuan kimpaleuiyaj oksekimej ikan teiknelilistli* pampa Dios no kimiknelis.

’Dios mechtiochiuas nemejuamej ijkuak on tlakamej mechuijuikaltiaj, niman mechtlayouiltiaj, niman mechteneuiliaj tlajtlamach* tlen xmelauak san pampa nennechneltokaj. Ijkuak ijkon mechchiuiliskej, xpakikan niman xnemikan ikan paktli, pampa ne iluikak nenkiseliskej sen ueyi tetlayokolijli*. No ijki, okintlauelitakej niman tlajtlamach* ika okintlajyouiltijkej* on tiotlajtojkej yejuan onemikoj yeuejkaui ijkuak xe nennemiyaj.

’Dios kintiochiua on yejuan yolyemankej* pampa yejuamej kiseliskej on tlaltikpaktli yejuan Dios okimprometerouilij.

’Nemejuamej ken on istatl yejuan on tlakamej ika kipoyeliaj on nakatl para maka ijtlakauis. Dios kimpoyelia on tlaltikpaktlakamej nemotechkopa para maka ijtlakauiskej ikan tlajtlakojli. Niman nemejuamej no nenkimatij ika tla on istatl kipolos on ipoyekyo, xuelis oksejpa kitekitiltiskej. On xok itlaj ika tepaleuiya, yej sa para kixiniaj ne ipan ojtli niman nochi tlakatl ipan choloua.

Nemejuamej tej, xnemikan yolchipakej niman xmochiuakan kuajkualtin ipan nochi tlajtlamach* para nennemiskej ken nemoTajtsin iluikak chanej.

Pero san xtlanankilikan “kemaj” noso “ka”, pampa nochi tlen okseki nenkijtoskej ualeuas itech on diablo*.

’Nemejuamej onenkakkej ika onijtoj: “Akin kixtepatsaua sen tlakatl, yejua no kixtepatsauaskej. Akin kitlajkalilia itlan sen tlakatl, yejua no kitlajkaliliskej itlan.” Pero nejua nemechijlia: Maka xkuepiltikan yakaj on tlin xkuajli mechchiuilia. Yej tla mitsmailia se lado ipan moxayak, no xmaka on okse lado moxayak.

’Aman tej, tla mixtololoj yejuan tikpiya moyekmakopa mitschiuilia para titlajtlakoua, xkixti niman xtlajkali. Más kuajli san tikpolos se parte de on motlalnakayo niman maka nochi motlalnakayo kontlajkaliskej miktlan kampa tetlajyouiltiloyan. Niman tla yej moyekma mitschiuilia para titlajtlakoua, xmotekili niman xtlajkali. Más kuajli san tikpolos se parte de on motlalnakayo niman maka nochi motlalnakayo kontlajkaliskej miktlan kampa tetlajyouiltiloyan.