Popular Bible Verses from San Marcos 1

Share

Uajmostla uelipan, ijkuak sanken* tlayouatok katka, Jesús onokuiteu, niman okis de on kalpan, niman oyaj sekan kampaka xakaj nemi. Ompa okichiuato oración.

Kijtouaya Jesús: —Ye uajlau on tonajli ijkuak Dios tlamandaros. Xkajkauakan ika nenkichiuaj on tlen xkuajli, niman xneltokakan on kuajli tlajtojli yejuan kiteijlia ken Dios temakixtia.

Niman ijkuak Jesús ouajkis ne ijtik on atl, okitak on iluikak otlapou, niman on Espíritu Santo uajtemouaya ken itlaj paloma niman ipan onotlalij. Niman okakistik itlajtol toTajtsin de ne iluikak. Ijkin kijtouaya: —Tejua tinotlajsojkaKonetsin, niman sanoyej moka nipaki.

Nejua melauak yonemechkuatekij ikan atl, pero yejua mechkuatekis ikan Espíritu Santo.

Niman Jesús okinmijlij: —Nemejuamej nenkintejtemouaj michimej. Pero aman xuajuiyan nouan, niman nenkintejtemoskej tlakamej para nenkinuikaskej itech Dios. Yejuamej nimantsin okajkej inmatlauan, niman iuan oyajkej.

Yejua xtemachtiaya ken on temachtijkej ikan itlanauatil Dios, yej temachtiaya ken se yejuan kipiya ueyi tekiuajyotl. Yejua ika on tlakamej sanoyej* okintlajtlachaltij.