Popular Bible Verses from San Lucas 3

Share

Kua̱ꞌ Juan tabautiza̱rojtoya, kibautiza̱roj no̱ Jesús. Iwá̱n kua̱ꞌ Jesús ora̱dojtoya, cielo tapowiꞌ, iwá̱n iyEspí̱ritoj Dios temoj ipan yéj, ken se̱ jojtoko iwá̱n mokaguiꞌ se̱ tájto̱l ipan cielo, kijtoj: —Tej nokta tinopiltzi̱n yej nimitzpoxneki, tej tine̱yo̱lchikajtoꞌ.

Eꞌ Juan kijtoj: —Nej, nimitzbautiza̱rowaj iga a̱ꞌti, eꞌ seꞌ yej wi̱ꞌ, yawi mitzbautiza̱ro̱tij iga el Espíritu Santo iwá̱n tiꞌti. Yéj má̱j tayaka̱ntoꞌ que nej, este akajasi iga nej manikxitomili imekayo igaꞌ.

Xiye̱ꞌnemika̱n iga mane̱si iga ankikajtéjkeja iga ankichi̱waj yej aye̱kti. Iwá̱n amo xikijto̱ka̱n: “Nejame̱n no‑ikyapatajwe̱wejmej Abraham.” Nimitzijliáj iga ini̱mej temej Dios wel kichi̱wa ipilowa̱n Abraham.

Há̱chajwaꞌ ónoꞌya iga yawi motzojtzontekiti kuawimej este ipan inelwayomej. Inochi kuawiꞌ yej ayá̱ꞌ ye̱ꞌta̱ki, motzonteki iwá̱n moakiá tiko.

Iní̱n mochij ken kijkuiloj el profeta Isaías: Mokaki a̱ꞌpa tajtowa recio ipan desierto, kijtowa: “Xikajte̱wáka̱nya iga ankichi̱waj yej aye̱kti, ijkó̱n ankitapowaj ojti iga toTe̱ko. Inewi a̱xapowe̱wetkej mota̱lakili̱j, iwá̱n inewi tepe̱yoj iwá̱n inewi tepe̱tzitzi̱n no̱ moxiti̱nas iga makanivela̱ro̱ka̱n, ma̱malich‑ojtimej yawij mela̱wayatij, ojtimej ka̱n a̱a̱xapotiꞌ, taye̱ka̱ntiás; nochi gente kitas iga Dios tama̱nawiá.”