Popular Bible Verses from San Lucas 6

Share

Chjeꞌe ra chujni thi rugundeꞌe ko Ndo Dio ruchjaa ra thi rugundaꞌa ra ko thi tamanxin ra tsuntheedo jian, tuntsjenga ra ko rukaon jian. Ixin jañaa inchin jaꞌa ra dajon ra, jañaa kai sayéꞌe ra.

Thi chujni jian, nichja jian ixin thi jian jii ngain anseen; ko thi chujni jianꞌa, nichja thi jianꞌa ixin thi jianꞌa jii ngain anseen. Mexinxin kain thi jii ngain anseen chujni, mee thi nichja ruꞌa na̱.

Jaꞌa ra rugunda ruthjueꞌe ra chujni ningakuꞌan ra ko sincheꞌe ra jian ngain na̱, ko nchekjen ra na̱ thi chunda ra ko xraxaonꞌa ra ixin sacha ra. Ko jamee ngajni ruxengaxin ra ꞌna icha jian, ko jaꞌa ra rukjan ra xeꞌen Ndo Dio, ndo thjen ngajni. Ixin Ndo Dio kai dajon ndo tsjé jian ngain chujni jianꞌa ko ngain ni xruꞌin nchaꞌon banchesayeꞌe na̱ ndo.

Thiakunueꞌe ra icha chujni, jañaa inchin Ndudaa ná, ndo thjen ngajni, thiakunueꞌe ndo kain chujni.

’Ncheꞌa ra jie̱ ixin thi nichja ko ncheꞌe inaa chujni, ko jañaa Ndo Dio sincheꞌa jie̱ ngajin ra. Danchiaꞌa ra tangi tsuꞌen inaa chujni ko jañaa Ndo Dio sinthagathoꞌa ra tangi. Nchetjañeꞌe ra kain chujni, ko jañaa Ndo Dio sinthatjañaꞌa ra kai.

’Aro jaꞌa ra xro tethiꞌin ra, thiꞌin ra thi rundathjo ra: Thjueꞌe ra chujni ningakuꞌan ra, ko ncheꞌe ra jian ngain thi chujni tuñao ngajin ra. Ko nchetseꞌen ra ñao Ndo Dio sinchenchaon thi chujni nichja jianꞌa ixin jaꞌa ra, ko nchetseꞌen ra ñao ndo ixin thi chujni thengaꞌa ra reka.

Ncheꞌe ra ngain chujni inchin rinao ra sincheꞌe na̱ ngajin ra.

Ja̱ chrujan chujni ruxrangiꞌa ra naa raa ngakon ra, dithuaxin ra ruxrangiꞌa ra inaa raa. Ja̱ chrujan thi santsjaꞌa ra thi tetsii ra, dajon ra kai thi tengaꞌa ra. Ko kexeꞌo chujni sanchiaꞌa ra thi techunda ra, chjeꞌe ra na̱, ko are santsjaꞌa ra na̱ thi techunda ra, idanchieꞌa ra na̱.

’Xruꞌin ntha thuchjuin jian sinchechjian thuchjuin xruꞌin xree, ko kai ntha thuchjuin xruꞌin xree chroꞌa sinchechjian thuchjuin jian.

Nanaa ntha thuchjuin datsuanxin ni ntha ixin thuchjuiin ntha. Ntha nchaꞌa nchechjianꞌa ntha higo ko kanchaꞌa nchechjianꞌa ka tho uva.