Popular Bible Verses from San Juan 10

Share

’Ti xíche̱e mé jehó itji kixin tjinkaon tseé, tsꞌóñá la ko sinchekꞌitjáña. A̱ndá janhan kꞌuinka kixin tsochontara kjuachón, la kjuachón nkochríxín.

Janhan mé ti pastor jína, ti pastor jína tsꞌenyákohe̱n ti kolélo kuènté.

Ti kolélo kuénta̱na la tjatso̱an va ti taná la ko kja̱xin janhan tjátso̱an ti jehe va, la ko jehe va mé chréhe̱ va ti janhan.

Janhan mé tja̱ha̱ va ti kjuachón nkochríxín la í tsꞌitjáñahña va la ko ninkexró tsjachahya tsakítsjexín va ti tjaná.

Janhan mé ti puerta, a̱ndá ti nkexro tꞌixenxín ti puerta i la tsaá la tsꞌóna éxi ti kolélo tsꞌixehen ti korré la ko tsꞌaxrje la tsꞌitja kayoa náxrjón sinie.

*’Janhan mé ti pastor jína. Éxi Tꞌaná chóxin ti janhan mé xi̱kaha choxián ti jehe chꞌan. La xi̱kaha choxián ti kolélo kuénta̱na la ko jehe va mé chóxin va ti janhan la tsꞌenyakoha̱n ti jehe va.

Tꞌaná, ti nkexro kjuajon ti jehe va, mé a̱ntsí tꞌe̱to̱an chꞌan, la ninkexró tsjachahya tsakítsjexín va ti itja chꞌan. Janhan la ko Tꞌaná mé nkoko̱a nkexro.

*’Janhan mé ti pastor jína. Éxi Tꞌaná chóxin ti janhan mé xi̱kaha choxián ti jehe chꞌan. La xi̱kaha choxián ti kolélo kuénta̱na la ko jehe va mé chóxin va ti janhan la tsꞌenyakoha̱n ti jehe va.

Ninkexró tsjachahya tsakitsjena ti kjuachón chonta kixin janhan tsjájua tíha. Chonta kjuachaxin tsjájua tíha kixin itsꞌen, la ko chonta kjuachaxin tsoxéchuan ínaá. Tíhi mé kꞌue̱to̱an Tꞌaná ―ichro chꞌin Jesús.

Ndá ínaá chrónka chꞌan: ―Ijnko nkehe chaxín tso̱tjo̱nkara, janhan mé ti puerta tꞌixenxín ti kolélo.

A̱ndá ti nkexro xenkehe kixin tsꞌayakohen ti kolélo mé ti ó tsꞌikon itsi ijnko konda̱níxra la tsíto̱he ti kolélo la tsinká sátsji kixin jehya kuènté ti kolélo la ko jehya ti nkexro chaxín tꞌayakohen va. Ndá ti konda̱níxra mé tsotsé va ti kolélo, ndá kaín ti íso va la tsinká va la sátsjichroe va.

Ndá ndáchro chꞌin Jesús: ―Chaxín ndáxrja̱n kixin ti nkexro tsꞌixehen ti tꞌinkachjina kolélo, ndá jehya ti puerta kuènté korra tsꞌixexín, la ókjé nketí tsꞌixexín, mé xíche̱e tíha.