Popular Bible Verses from Marcos 7

Share

Kixin nkaya a̱sén chojni mé tꞌaxrjexín ti nkehe jínahña tjenka̱yáxin sin, ti tja̱che̱he̱ kícho sin, la ko ti tjinkaon sin tsochónta sin íjnko chojnichjin, jehya ichjién sin, la ko ti tꞌóñá kícho sin, ti tseé sin, ti tjakꞌe a̱sén sin ti nkehe chónta íjnko chojni, ti nkehe jínahña chꞌehé sin kícho sin, ti kjuachꞌia, ti nkehe jínahña tjenka̱yáxin sin, ti chji̱no̱xíhin sin, ti kjuachꞌia, ti kjuahnke, la ko ti chóntahya sin kjuaxrexinkaon jína. Kaín ti nkehe jínahña tꞌaxrjeníxin a̱sén chojni, mé tíha ti tjasixín sin ijie̱.

Ti nkehe inie chojni la jehya ijie̱ tíha. Ti nkehe tꞌaxrjeníxin a̱sén chojni mé ijie̱ tíha la tsoníexín chojni.

*Ndá kjuáte̱he chꞌin Jesús ndáchro: ―Jahara nkojinxónhña tjénka̱yáxinra, ndoá tsíndáchro chꞌin Isaías ti ó tsíkjin chꞌan ósé ndáchro: Ti chojni i, la irꞌua sin ó ndáchro kixin xraxinkakonxín sin ti janhan, kjánchó ti a̱sén sin la ikjín tjejó.

Kixin ó chónkó tjikosáyehe sin ti janhan, kixin jehó tjako sin ti nkehe tsíkꞌe̱to̱an chojni ó.

Kixin kui̱to̱héra ti nkehe tsíkꞌe̱to̱an Díos, ndá chréhéra ti nkehe tinkáchónki chojni, la tjo̱ne̱mára ti nchísén, la ko ti vaso tꞌeyara nkehe, la ko kja̱xin íso ti nkehe tinkachónkira.