Popular Bible Verses from Luk 17

Share

Oto a Jisas ko si teꞌuri hunie a mwaena, “Taꞌelaꞌi na o ke lae, hiiwalaimolinge iꞌoe e haꞌa-uuriꞌo oto.”

Mala uri ko deu huꞌisiꞌo haꞌahiu aana taꞌa-taꞌa hai dinge, na suli maholo ko lae mai seemu huni unue uri e oonisae oto, nge o ke saeꞌaasi oto hunie.”

Maholo ngaeta iini aada e leesie uri sapena e mola oto, ko si eelihoꞌi mei i saana a Jisas, na ko soi haꞌamanikuluꞌaa God. Oto e lai pouruuru i aano i naꞌona a Jisas, na ko paalahea. Na a mwane ngeena, ingeie mwane ni Samaria.

Oto omu ke lio talamiu aana taꞌe-taꞌena nga ola omu ko euꞌesuie. Mala uri aasimu ko oorahaꞌaa, ere aana, na o ke unue hunie uri ko deu aaela. Na mala ko oonisae, o ke saeꞌaasi oto hunie.

Oto a Jisas ko dolosi aana mwala e ruru ngeena, ko teꞌuri, “Aawalai mwane kaꞌu haꞌa-uurilada e lae. ?Ngaeta siwe iini kaꞌu i tei?

Oto a Aalaha ko aalamire uuri, “Maꞌalana omu ke toꞌo aana mola nga hiiwalaimolinge mwai-mwei mala nga kele litei ola, na omu kei unue hunie ai weune uuri, ‘O ke aalangu oto maraamu aana imi-imimu, na o ke lai hesiꞌo maraamu wau i eesi.’ Na aine kei tola i suliꞌomu oto.”

Aana nga iini ko sare kinetaꞌinie maurihaꞌana, nge kei deu tekelaꞌinie oto tohungana maurihaꞌana. Taꞌe nga iini ko deu tekelaꞌinie maurihaꞌana i tehulaꞌaku, nge kei hele aana maurihe huu.

Oto a Jisas ko teꞌuri loꞌu hunie mo pwaarongoisuli ingeie, “Mo ola huni haꞌatataroa mwala hunie oorahaꞌaa kei reu oto. Taꞌe aama-aamasilana iini nge kei esuie mo olana hunie kire ke rau. Oto mala nga iini ko haꞌatataroa nga kele iini aana mo iini ko hiiwalaimoli eeku ienini, e lae otoi diana hunie iini urine pwarolana nga hau peine ke lae mola i luana, oto kulu-aasilana ke lae mola i laona aasi.

“Na nga taa kei reu aana maholo ineu a Kale Ni Iinoni ne kei ooli mei, kei urihana noꞌone nga taa e rau aana pongine a Noa. Mo dinge i naꞌona lue-lue e tola, mwala kaꞌa saie ike, oto kire ngau-ngeu na kire inu-inu mola. Kire totola keni na kire toꞌo-toꞌo poro mola lai hule aana hai dinge a Noa e taꞌe i laona haka paine. Oto lue-lue e hane haahire, na ahutana mwala kire mani mae mango.