Popular Bible Verses from Matiu 18

Share

Aana nga ro iini wa e oolu eemiu kei ruru aana sataku aana taꞌena nga leu, nge ineu oto noꞌone i matolamiu i leune.”

Na loꞌu no ko unue huniꞌomu, mala uri nga ro iini hikemiu mei aano i leu ko neꞌisae tararuru huni sukaa nga mei ola aana a God, nge niilana kei lae hunirerue mwaanie Aamaku i Lengi.

Oto a Jisas e soie mai ngaeta kele mwela hunie ke uure i matolada, ko si teꞌuri, “No ko unue oto huniꞌomu uri, nge omu kaꞌa oolisie tolahamiu hunie omu ke urihana mwe-mwela, omu saꞌa roroꞌa malisine ike silinge i laona Aalahanga a God.

Aena aana nga iini oto ko haꞌamwai-mweiꞌaa mala kele mwela ie, ingeie oto kei tohungei peine aana Aalahanga a God.

Taꞌena nga iini nge ko tola konie nga kele mwela mala ienini aana sataku, nge ko tola konieu eena.”

“Oto no ko unue loꞌu huniꞌomu uri, nga moi taa omu ko uure honosiꞌi mei aano, mo ola nge a God i Lengi na e uure honosiꞌi ni otona. Na nga moi taa omu ko toliꞌaasiꞌi mei aano, mo ola nge a God i Lengi na e toliꞌaasiꞌi eena.

Oto a Jisas ko si haꞌamangoa ere-erenga ingeie na ko unue uuri, “Aitana nga taa nge Aamaku i Lengi kei da huniꞌomu eena, aana uri omu kaꞌa saeꞌaasi toꞌohuu hunie mo eesimiu.”

Oto a Jisas ko heꞌi ere uuri loꞌu, “Oto mala nga iini ko haꞌatataroa nga kele iini aana mo iini ko hiiwalaimoli eeku ienini, e lae otoi diana hunie iini urine pwarolana nga hau peine ke lae mola i luana, oto kulu-aasilana ke lae mola i laona aasi.

“?Mala uri nga mwane e toꞌo aana tangalai sipu, na uri nga taꞌa-taꞌa iini eeni e takalo, a mwane ngeena kei ue? Kei toliꞌaasie oto siwe aawala mwana siwe aana leu kire ko ngeu-ngeu aana i lengine uuwo, na kei lae otoi heitalea iini nge e takalo lai hule aana kei lio oodoie.