Popular Bible Verses from Markus Uram 4

Share

Ebmai ba, Er Yesus bukokmouci, ibalya asi, “Kilikminci, takdum,” ebmou. Ato ebmou ba, ibalya kum dandoka me kwatib-kwatib ena ababyi kum danmou. Ura, Erci Er miliramnyi nang asi, “Unato ati, ilil kubmasir do? Unato ati, sunci Nira mikibnyi bisi dib kum tenebmarum do?” Ato eboka Yesus biryi sunsi wenebmou.

Sunda ilil weik kubmou ati, sun mamun asi ato eboka asibdanmai. “Nai e, nun Du Yesus bira unatonyi kurur aryi ibalya ab me kwatib-kwatib ena asi, ‘Takdum,’ ebmar uca, ibalya ab me kwatib-kwatib ena ababyi kum danmar do?” ebdanmai.

Co ngun-ngun asi me aryi langkibmanto kubmou bok, Er Yesus co ngun-ngun amwetam aryi kuboka kisok eremna deici erebdeiboka wi mablukmou. Wi mablukmou bok asi, sunci Ersi kamubdeiboka nabmai, “Nai Du o, ibalya weik donmar aryi nun me wekmanto kunmab ara, Kanda bico kum tenebmasirim do?” ebmai.

Ato eterebmou cok, Erci Er miliramnyi nang asi ton ato ebmou, “Niryi sunsi etereransin asi sunci kalikdandoka, ‘A uram deyok ara una deyok ati ebmar do?’ teneboka lilibdarur. Sunci kiklibmamunyi to, Er Imtamnyi biryi sunbabyi karebkwansir. Ati, sunci sulbalyi asa aryi Ni etereransin uram asi tentok-tentok lilibmunyi ura, deyok tentok-tentok akwe bikwandum. Ba, sunci busul kuboka ni etereransin uram asi tuba-tuba liliramunyi ura, deyok mitik kum bikwandum. Er Imtamnyi biryi sun kiklibmamunyi to karebdiryok, tabakdongoboka dekeibkwansir ati ebman.

Er Yesus biryi eterenmouci, Erci kemdeirina uram ton doboka ato eterebmou. “Er Imtamnyi biryi laktoto leboka kalikwansir tum deyok ati eterebkwinsin. A dinyi ara ninyi tentok aryi tukwe ai asi yala talyitam kwekloaming to nang asi kiklibkun. Anyi biryi yala sirya kweklobmaci ura, a yala ara yuk betekoka arande. Ara, yala kwekmarinyi bira kwekloboka mabci talak ababyi er dibde bun talak ababyi, lukunda talak ababyi, kitingtam talak ababyi a yala ara er yuk betekoka arande. Ara, ninyi aryi, ‘Yala ara una kuboka er yuk betekoka arande do?’ tenen kum bingnub bok, a yala ara er yuk betekoka arande.

Sun amol kusurur nang ara a uram deyok diboka kekeboka bobdobdarur.” Ato eboka Er Yesus biryi eterebmou.