Popular Bible Verses from Uchokholha 3

Share

Paahi nthiyana vonne awe wiira mwiri uyo waari worera ulhiya, worera mmiithoni, ni worera upatta irusho, ahorukulha niphepu naya nkhaalhia, nkaavaha owannyawe ni ayo nkayaalhia.

Vavawo inwaa yaari phi mwannama o upenya waapwaha ashinama onkhaye o mwiithuphini oupiye ni Apwiiya Nlhuku. Paahi inwaa nkayankoha nthiyana, “Eti Nlhuku heera wiira nhilhie niphepu niriyoothe mmatani mu?”

Tho, Apwiiya Nlhuku nkayeerelha inwaa, Kinoweesha umalhaponi variyari awo ni nthiyana uyo, variyari iyari awo ni iyari awe, nnoowa mwaavenganacha. Iyari yo nthiyana iyo inowa uunyakatha muru awo ni uwe unoowa wanlhuma ikotokotto.”

Tho Nlhuku nkaamwiirelha nthiyana uyo, “Kinowuncherera uweria wo nkuri ikatema awo yo uyara, unowa waayara wo uweria chinene. Inakhalhaka chiicho, unookhalha ni nrima wo waattuna owannyao, ni ayo anoutawara.”

Unohalha upatta yolhia awo wo ukhuma ntukutta nao, mpaka nihuku no uwuhelhiya muntukurukhuni ukhumme awo, ukhalhawaya uwe ukhumme muntukurukhuni, muntukurukhuni unoohokolhia.”

Nkaamwiirelha nlhopwana, “Ukhalhawaya uhewelhelha ahanu awo, nkawaalhia niphepu kenre aka wiira nhilhie, paahi etu, kiholhava ittaya wo nlhatu wao. Unoopanga ntheko wo machiri wiira upatte yolhia awo ulhokelha wao wonkhaye.

Nlhuku nkaakoha, “Apani owirenlheni wiira nri pwithipwithi? Chani nholhia niphepu no mwiri koochichinheakani wiira nhilhie?”

Baada yo woomolhacha, Apwiiya Nlhuku aheeshacha makerubi unosha nchuwa, umatani Uadeni, yaavarenlhe uphanga wo mooro waarukunuwa uno ni uno, o ulhitelhelha iphiro yo ukelha urii mwiri wo ukumi.

Adamu nkammaha nchina nhanu awe, nkaamwiihana Hawa, maana aya “ukumi,” ukhalhawaya phi anumwanaya attu onkhaye ayariye.