Popular Bible Verses from 'Lu 12

Share

A :mor :ke, a :korn a 'ye buh⧾ ken :ne, 'do ti-a' klehkpeh bo. Deh no-eh, 'yu an 'da-dih-a Nyor-kpalu-a' 'yu, ti a :se-or' 'sor-dih:, 'do :wor or mu 'de :yi-dih:.

Jorwor: a 'bhorn deh⧾ :en :korn-a 'de Nyorsoa-a' nyor⧾ wlu 'ken :korn-eh bo 'kwla⧾-' dih, :yee' deh⧾ :yih :sie:-a 'o, or mu-ih a 'nyi-: :ke.

'De :Yusu' :wlu 'de nyor⧾-a' klehkpeh :dao' bo, or 'dae:, A 'wla :gwluhuh' dih. A 'dhu a-a' 'jeh :dhororn', 'do deh⧾-a' klehkpeh-a' 'klan :korn-eh bo. Deh no-eh, :gwlor-nyor⧾-a' 'kmo :ne-eh :se 'de or-a'a: bhaan-deh⧾-: 'dekorn: or-a'a: :kororn-deh⧾-: bo 'wluh.

Deh no-eh, 'do :dha a-a'a: bhaan-deh⧾ :ne-a, 'do :wor a-a' :porluh⧾-a mu :ne :ke.

A-a' nyor :yoror :or :korn :gwluhuh' dih :na-dih-eh-a' 'bleh 'bleh 'beh-dih: :eh 'ye 'o or-a' :febeh' ybei' kpa 'do 'yluh-buh :due' 'di :eh?

:Yee' :Yusu' :wlu-' 'de or-a'a: bo :na-nyor⧾ bo, or 'dae:, Eh-a' dhih, 'an zela a :gwluhuh', a-a' :porluh⧾ 'bor a 'worn dih 'beh-dih-eh 'do a-a' 'kmo :ne-eh-a' dhih, 'do deh a 'ye-a' di bo, 'de mor 'do a-a' yau-a' dhih, 'do deh a 'ye-a'-' pa bo.

A-a' 'mii: :sloror' :en :ne-a 'o a 'dlu-a' 'jeh, en-' klehkpeh :zlo-eh:-' 'tene' :kpeen:. :Yee' 'do eh-a' dha, :fano-a' :no-' a-uh. A 'kpa deh ken 'gabaa, :eh :zi 'o 'yalih :dhulu'-'.

:Yee' a :mor nyor⧾-kpor-bei: :daa, a 'bor :fano: :ple-eh. Deh no-eh, a :Baa' Nyorsoa-a' 'ton :korn-deh: 'o, or 'ye a nyor⧾ wlu 'ken :korn-eh 'nyi.

A pobo: 'momaa'⧾ :daa ya, :en-' 'dhu-a deh, 'de mor :en-' chehn-a :koo. En se dii-deh⧾-a' :dhe-da 'ble. Jorwor: Nyorsoa 'nyi-ih dii-deh⧾ 'weh :gbor :gbor. Jorwor: a :mor :mloror', a-a' dhih 'beh-: 'i 'gabaa, en :zi 'o neme-' 'weh.

A 'bor :gwluhuh' dih :na-dih-eh 'do deh a mu-a :di-: 'dekorn: deh a mu-a 'na-: eh-a' dhih. 'De a-a' :porluh⧾ 'bor a 'worn dih 'beh-dih-eh.

:Yee' :mor eh 'dhu, Nyorsoa :taa 'o 'kwla :peli'-a' deh⧾-' :pa-dih-eh no, :en 'dhu-a 'zean'-: :glaa'e-: deh-', :yee' on po-a 'yli, :yee' dha a mu :na-dih: :eh? :Yee' a :mor, or se deh-' :pa-dih-eh 'beh-dih: :e? A :mor :gwlor-nyor:⧾ :on :korn-a dhih 'jeh-' :po-eh se-a 'i 'beh.

Deh-beh: :eh :kan-eh worn 'i, eh mu ken :nyeh. 'De deh-beh: :eh 'zile-eh, eh mu yubo-eh:.