Popular Bible Verses from 'Lu 18

Share

:Yee' :Yusu' po 'dlan 'de or-a'a: bo :na-nyor⧾ bo, eh 'ye-uh' :gwluhuh' zela: :ka on :korn on 'ye-a 'de Nyorsoa bo :wlu, 'do ti-a' klehkpeh bo, 'de on :ne-a' sea.

:Yee' Nyorsoa :se-eh' :no i, 'de deh⧾ :en 'sleh-a 'i, en 'ye 'o nyor⧾ or gan-a, 'de :an 'vin-dih-or 'i 'gwie-: :glaa'e-: on bo yi, 'de on 'ye 'gen :korn :e? :Ae' a-a' :porluh⧾ 'da, eh mu ti :dhorno'⧾ :kpa, 'de or 'ye-uh' :za-dih: :e? Dhih 'jeh, 'an zela a :gwluhuh', or mu 'dhobo:, or 'ye-uh' :za-dih:. Jorwor: 'yu an 'da-dih-a Nyor-kpalu-a' 'yu, :mor or 'yle, or mu nyor⧾ :on po-or dhih 'jeh-', an-a' nyor 'ye-: dha 'bluhba ken :e?

:Yeh on dhele-or dih, :yee' or 'dae: 'de on bo, Deh nyor se-a no-a' 'beh-dih:, Nyorsoa 'beh-dih: eh-a' no-a' 'weh.

:Yeh or 'da :ao', :yee' zabe: :zi-yu-a' 'worn, or-a' to-or :dou'⧾ bo. Jorwor: :yeh or 'neh-or ken :neheh:, 'do ti :dhulu' 'di, :yee' zabe: :zi-nyor: :dao', or :wlu-' 'de or-a' 'jeh bo, or 'dae:, Keen' :mloror' 'an-a' 'worn, 'an-a' ple Nyorsoa, 'de 'an-a' 'ye nyor⧾ deh-', jorwor: :ka 'nynor :daa, or 'beh-dih-a 'on 'worn dih, 'do ti-a' klehkpeh bo, 'de 'on yubo-eh :ka or :korn-a 'gen, :yee' 'an mu or-a'a: 'gen or-uh 'nyi-:. :Mor 'on se-eh no, :yee' 'nynor :daa, or mu 'noror 'on bo :yi, piee piee, or 'ye 'on worn gweh.

Dhih 'jeh, 'an zela a :gwluhuh', nyor :or se-eh 'worn-dih: Nyorsoa 'ye-a' wlu 'ken :korn :ka 'yu-yu :ne-a, :yee' or :se-' Nyorsoa-a' nyor⧾ wlu 'ken :korn-eh 'zorn :pa i.

:Yeh :Yusu' 'ye-eh, :yee' or 'da or-a'a: bo :na-nyor⧾ 'weh 'do or bo, 'de or 'da, A 'nyi 'nynuu: :nyene' yi 'noror 'on bo. A 'bor an-a' 'yi :kan-eh. Deh no-eh, :ka 'nynuu: :nyene' :ne-a, nyor⧾ :on :ne :ao', mo-: Nyorsoa-a mu wlu 'ken :korn.

'De :Yusu' 'da, 'Ye-dih: :naa. :An-a' dhih 'jeh-' :po-eh no-eh', 'de :on 'puh.

'De :Yusu' dhele-or dih, or 'da, :Eh :korn dhih :an 'da-dih 'on nyor 'jeh :eh? Nyorsoa :due', or-: 'dhu nyor 'jeh-' 'klein'.