Popular Bible Verses from 'Lu 5

Share

:Yee' :yeh or gweh-a wlu-a' 'i, :yee' or :wlu-' 'de Samor' bo, or 'dae:, Kpa 'blagbe 'de 'ni-a' :wloo' :or :tehn-a-', mor-: 'dekorn: :on 'bei'-: a 'ye a-a'a: sor⧾ po, 'de a 'ye zimi kpon.

:Yeh or 'da :ao', :yee' Samor' :wlu-' 'de or bo, or 'dae:, Nyor⧾ deh :torne-nyor:, :a no 'yi :kma :koan :no :noo: 'de :wala: :wala: zorn zen. Jorwor: :a :se-' deh-beh kpon. Jorwor: keen' :mloror', :ka :on 'da :ao', :yee' 'an mu sor⧾ :po :neheh'. :Yeh on po-a an-a'a: sor⧾, :yee' on kpon zimi: :dhulu'. Eh-: no-eh, 'de an-a'a: sor⧾ 'kpa :chlan-a' ken.

Jorwor: 'do kpor⧾ :dhulu' 'di, :Yusu'-a sie-uh'. 'De or mu 'de :bhehneh'-bluhba ken, or wlu 'de Nyorsoa bo 'de mor.

'On :se 'de yi 'do 'yi 'sleh-nyor⧾-a' dhih bo. Jorwor: deh⧾-zon:⧾ :no-nyor:⧾, mo-: 'on yi 'da 'da, on 'ye an-a' deh⧾-zon⧾ dih 'tali:, 'de on 'ye 'de Nyorsoa bo 'bili:.

:Yeh Samor' :Piteh' 'ye-eh, :yee' or 'jli-: dih 'do :Yusu' 'zorn, or 'da, :Gwlor :baa', :tehn-dih: 'on bo dih. Deh no-eh, 'mor, deh⧾-zon:⧾ :no-nyor: 'o.

'De :Yusu' :wlu 'de on bo, or 'dae:, Nyor⧾ :on se-a puhba:, on se :korn on 'ye kwein: :di-nyor 'kwla⧾-' dih 'bhorn. Jorwor: nyor⧾ :an puhba-a, mo-: :korn :on 'ye kwein: :di-nyor 'kwla⧾-' dih 'bhorn.

:Yeh or 'da :ao', :yee' on 'ya-dih: an-a'a: 'blagbe⧾ 'kpuhbuh' 'weh. 'De on sie deh⧾-a' klehkpeh, on zi 'o or klei'.

Eh :korn ti :due', :yee' :Yusu' mu 'o gwlor :due' 'di, 'do :dha 'yu :due', yau-zon-weh kpon-a, 'de eh gweh-or 'dlu, or :ne-a. :Yeh or 'ye-a :Yusu', :yee' or 'jli-: dih 'do or 'zorn, or bale-or, or 'da, :Gwlor :baa', :mor eh 'dhu, :on 'worn-dih-eh ken dih, :yee' :on 'beh-dih: 'an 'puh-dih-eh 'weh, 'de 'on :ne-' :kane' dih :ne :neheh'. :Yeh or no :ao', :yee' :Yusu' tba-or son ken dih, 'de or 'da, 'On 'worn-dih-eh'. 'Wluh :kane' dih. :Yee' 'do :dha :due' :dao', 'do :wor or-a' yau-zon-weh 'bor-dih:.

Jorwor: :Yusu'-a' 'nyne gweh deh⧾-a' klehkpeh-: 'dlu 'gboror:. Eh-: no-eh, 'de nyor⧾ :doru' yi 'de or bo, on 'ye or-a' wlu 'worn, 'de on 'ye 'puh-dih-eh: 'do an-a' puhba-deh⧾ bo.