Popular Bible Verses from 'Make 10

Share

Jorwor: 'yu an 'da-dih-a Nyor-kpalu-a' 'yu :sloror', or :se 'de yi or 'ye :tabehyie po, jorwor: or yi-: 'de, or 'ye :gwlor-nyor⧾-a' 'bhoi-yu no, 'de or 'ye or-a' :febeh' 'kwla :za 'do nyor⧾ :dhulu'-a' zelie-eh bo.

:Yusu' pobo-uh-: ya, 'de or 'da, Nyor⧾ se deh :daa eh-a' no-a' 'beh-dih:. Jorwor: Nyorsoa :mloror', or 'beh-dih: deh⧾-a' klehkpeh-a' no-a' 'weh.

'De :Yusu' 'da, Mu. :An-a' dhih 'jeh-' :po-eh no-eh, 'de :on 'puh. :Yee' 'do :dha :due' :dao', :yee' or 'ye-: dih, 'de or zi 'o :Yusu' klei' 'do :gwie 'i.

'Do eh-a' dha, deh Nyorsoa po-a :dha :due', nyor se :korn, or 'ye-eh' 'i zela:.

:Yeh or 'da :ao', :yee' :Yusu' pobo-or-: ya, 'de :ybeh-dih: ka 'di, 'de or 'da, Deh :due', eh-: :sie: 'o, eh-: :on :korn :on 'ye no. Mu. Deh⧾-a' klehkpeh :on 'ble-a, :on 'ye-ih plo, 'de :on 'ye 'wlii: :an mu-a 'ye-:, :on 'ye-ih nyor⧾ :on se-a deh-a' :za-da 'ble 'nyi. :Mor :on no-eh, :yee' :an mu bhaan-deh⧾ 'ble-: 'de Nyorsoa 'bli yai'. :Mor :on no :ao', :yee' 'yle, :on 'ye 'o 'on klei' zi.

:Yee' :Yusu' dhele-or-: dih, or 'da, Deh :an 'bhorn 'on 'ye no 'do :on bo :eh? 'De 'doror'-nyor 'da, Nyor⧾ deh :torne-nyor:, 'an 'bhorn 'on 'ye dih 'ye o.

Eh se :korn, eh 'ye :ao' :ne, 'noror a 'klu-', jorwor: nyor :or 'bhorn-a nyor :klaba'-deh 'noror a 'klu-', :yee' or-: :korn :or 'ye a-a'a: 'bhoi-yu no.

Dhih 'jeh, 'an zela a :gwluhuh', nyor :or se-eh 'worn-dih: Nyorsoa 'ye-a' wlu 'ken :korn :ka 'yu-yu :ne-a, :yee' or :se-' Nyorsoa-a' nyor⧾ wlu 'ken :korn-eh 'zorn :pa i.

Jorwor: nyor⧾ :dhulu' :a 'da-dih-a nyor⧾ :klaba'⧾ :naa, mo-: :an mu 'zeehn :no 'de ybei'. :Yee' :yuh :a 'da-dih-a nyor⧾ 'zeehn :naa, an-a' 'jeh :dao', mo-: :an mu nyor⧾ :klaba'⧾ :no 'de ybei'.

:Eh 'wluh-a 'de eh-a' glu 'dhu 'da, 'do :dha Nyorsoa :no-dih:-a deh⧾-a' klehkpeh, 'do :wor or :no-dih: 'nynor-: 'dekorn: nyor-kpalu-:. Eh-: :korn dhih, 'de 'nynor-: 'dekorn: nyor-kpalu-: an mu an-a'a: 'cheh dih 'tali:, 'de on 'ye :dha :due' 'ti. :Yee' mo-: :ne-a 'sororn', an mu nyor :due' :no. :Yee' on se 'sororn' :ne :dele' ka, jorwor: on no nyor :due'.