Popular Bible Verses from Ek. 2

Share

Mwari wakazwa kugomera kwavo, naMwari wakakarakadza chitenderano chake naAbrahama, Isaka naJakobe. Mwari wakaona vaIsuraeri, naMwari wakanyera ndivo.

Mumazuva mazhinji apera mambo weEgipite wakafa. VaIsuraeri vakagomera ngendaa youhloko hwavo, navo vakachema kuti vadetserwe, nokuchema kwavo ngendaa youhloko hwavo kwakakwira kunaMwari.

Naapo mwana akura, wakamuunza kuno mwanasikana waFaro, akamuita kudai ngomukororo wake. Wakadudza zina rake kuti Mosi, akati, “Ngokuti ndakamunyura kubva mumvura.”

Mwanasikana waFaro wakati kwaari, “Tora mwana uyu undirerere, neni ndinozokupa musharo wako.” Ndizvo mukadzi uwo wakatora mwana, akamurera.

Mwanasikana waFaro wakadzaka kooshamba kurwizi nevasikana vake vakahamba pahumbikumbi yorwizi. Wakaona chitundu pakati petsanga, akatuma murandakadzi wake koochitora.

Zuva rimweni apo Mosi akura, wakabuda kuenda kunehama dzake, akaona vechiangiridzwa kuita mishando yavo. Wakaona muEgipite echiponda muHebheru, umwe wehama dzake. Wakaringira apo naapo, akaona kuti akuna munhu, wakauraya muEgipite, akamufushira mujecha.