Popular Bible Verses from Joh. 16

Share

Izvi ndakamuronzera kuti mwendiri muone kunyarara. Munyika munozoa nemadambudziko. Asi shingai mwoyo; ndainyisa nyika!”

Naapo Mweya wegwinyiso wauya, unozomutungamirira mugwinyiso reshe; ngokuti aazodziereketeri ngesimba rake, asi zvaanozozwa, ndizvo zvaanozoereketa, naye unozomuronzera zviro zvichauya.

Metsa zvino amuzi kukumbira chiro ngezina rangu. Kumbirai nemwi munozoashira, kuti kudakara kwenyu kuzadzisike.

Asi ndinomuronzera gwinyiso; kuti zvakapinda kumunakira kuti ndiende, ngokuti kudai ndisikaendi, Muembedzeri aazouyi kwomuri; asi kuti ndikaenda, ndinozomutuma kwomuri. Naapo auya, unozoonisa nyika ngendaa yokushaisha, yokururama nendaa yokutongwa

Nemwi munozotambudzika zvino, asi ndinozomuonazve nemwoyo yenyu inozodakara, nokudakara kwenyu akuna munhu unokudusa kubva kwomuri. Ngeiro zuva amuzondibvunzi chiro. Ngegwinyiso ndinoti kwomuri, kunyazwi chiinyi chomunozokumbira kunaBaba ngezina rangu, unozochipa kwomuri.

Ngegwinyiso ndinoti kwomuri, munozochema nokuboorera, asi nyika inozodakara; imwimwi munozotambudzika, asi kutambudzika kwenyu kunozotsandudzwa kuita kudakara.