Popular Bible Verses from Ruka 8

Share

Neidzo dzakawira mumavhu akanaka, ndivo avo vanozwa izwi ngomwoyo usina kuchengedza nowakanaka, vanobereka michero ngokusengerera.

Neidzo dzakawira mukati mweminzwa, ndivo avo vanozwa, vechienda mberi vanozingizirwa ngokudembatemba noupfumi, zvidakadziso zvendaramo ino nemichero yayo.

Neidzo dziri paruware, ndivo avo vanozwa izwi, vanoriashira ngokudakara; navo avana nzinde, vanotenda mukuwo mudoko, ngenguva yokuedzwa vanopumhunwa.

Naye wakati kwavari, “Kugonda kwenyu kuripari?” Navo vakatya nokushamiswa, vechiti umwe kunoumweni, “Uyu ungaita anani, unopanga dutu nemvura, nazvo zvechimupurutana?”

Neidzo dziri pamhiri penjira, ndivo avo vakazwa; naapo Dhiabhorosi unouya nokubvisa izwi kubva mumwoyo yavo, kuti vasazotenda nokuponeswa.

Ngokuti akuna chiro chakafishika chisikazooniswi, nechakadumaidzwa chisikazoziikanwi, chisikazobudi mukujeka.

Naapo dzimai raona kuti arizi kufishika, rakauya rechihuta, rakawa pashi pamberi pake, rikaronza zveshe pamberi pevanhu veshe kuti ramubata ngendaa yenyi, nokuti raponeswa chiriporipo. Iye wakati kweriri, “Mwanasikana, kugonda kwako kwakuponesa; enda ngokunyarara.”

Navo vakauya kwaari, vakamumusa vechiti, “Mambo, Mambo, tofa!” Naye wakamuka, akakaraidza dutu nemafungu emvura; nawo akaterama, kwakaapo kunyarara.