Popular Bible Verses from Genesis 25

Share

As dreggyr y Chiarn ee, Ta daa ashoon ayns dty vreïn, as bee daa horch dy leih er nyn scarrey veih dty veeghyn: as bee yn derrey phobble ny s’troshey na yn pobble elley: as nee yn fer shinney shirveish yn fer saa.

As dooyrt Esau rish Jacob, Cur dou, ta mee guee ort, paart jeh’n bee jiarg shen; son ta mee faiynt: shen-y-fa v’eh enmyssit Edom.

As ren Isaac aghin gys y Chiarn son e ven, er-yn-oyr dy row ee gennish: as hug y Chiarn clashtyn da, as ren Rebekah e ven giennaghtyn.

As dreggyr Esau, Cur-my-ner, ta mee raad y vaaish; as cre sheeagh dou yn eiraght shoh? As dooyrt Jacob, Jean breearrey dou jiu: as ren eh breearrey da: as chreck eh e eiraght rish Jacob.

As eisht ruggyr e vraar, as ghow e laue greme er boyn Esau; as v’eh enmyssit Jacob. As va Isaac three-feed bleïn dy eash, tra hug Rebekah ad son y theihll.

As bynney lesh Isaac Esau, son dy d’ee eh jeh’n feïeys v’eh dy hayrtyn: agh bynney lesh Rebekah Jacob.