Popular Bible Verses from Kereja Rasul 1

Share

Tang kita deka nerima kuasa lebuh Roh Kudus udah nurun atas kita, lalu kita deka nyadi saksi Aku di Jerusalem, di serata menua Judea enggau Samaria, enggau ngagai ujung dunya.”

Iya lalu nyaut, “Kita enda ibuh nemu maya tauka musin ti udah diletak Apai ngena hak Iya Empu.

Lebuh Iya benung diau enggau sida, Iya enda nyagi sida ninggalka Jerusalem, tang nganti pemeri ti udah disemaya Apai. Ku Iya, “Tu utai ti udah didinga kita ari Aku: John maptisa ngena ai, tang kita deka dibaptisa ngena Roh Kudus dua tiga hari tu agi.”

Dalam kandang empat puluh hari udah bekau Iya mati, Iya suah pegari di mua sida kena Iya nunjukka Diri amat idup. Sida meda Iya, lalu bejaku ngagai sida pasal Perintah Allah Taala.

Lebuh Iya udah nyebut nya, Iya lalu dibai niki ke serega, dipeda semua sida, lalu siti remang ngelindung Iya ari sida.

Lebuh sida benung engkadah ke langit nengkilaka Iya mupuk, tekala nya dua iku orang ke ngena gari burak bediri ngimbai sida lalu bejaku, “Kita orang Galili, nama kebuah kita bediri engkadah ke langit? Jesus tu, ke udah diambi ari kita lalu dibai niki ke serega, deka datai baru baka chara Iya ke mupuk ke serega, baka ke udah dipeda kita.”