Popular Bible Verses from John 12

Share

Barang sapa deka betuaika Aku, enda tau enda nitihka Aku, lalu dia alai Aku, dia meh endur alai orang ke betuaika Aku. Apai deka ngemesaika orang ke betuaika Aku.

Orang ke sayauka nyawa diri, deka ngelenyauka iya, lalu orang ke begedika nyawa diri di dunya tu, deka bulih pengidup ti meruan belama iya.

Enggau bendar Aku madah ngagai seduai, enti leka gandum enda labuh ke tanah lalu mati, iya deka mengkang semina leka aja. Tang enti iya mati, iya deka bebuah lebat.

Aku udah datai nyadika penampak dunya, ngambika semua orang ke arapka Aku enda agi diau dalam pemetang.

Aku enda ngakim orang ke ningaka pesan Aku, lalu enda ngasika pesan nya, laban Aku ukai datai ngakim dunya, tang nyelamatka dunya.

Maria lalu ngambi sebutul minyak wangi ti berega, ti digaga ari narwasti ti tulin, nata kaki Jesus, lalu ngendas kaki Jesus ngena buk iya. Bau rengut minyak nya nyau bealun-alun dalam rumah nya.

Nya alai sida lalu ngambi dan kayu engkerema, lalu mansang ngambat Iya enggau panjung, “Hosanna! Beberekat meh Iya ke datai dalam nama Tuhan, ke Raja orang Israel!”

Jesus lalu nyaut seduai iya, “Maya udah datai alai Anak Mensia deka dimuliaka.