Popular Bible Verses from John 19

Share

Lebuh Jesus udah nerima wain nya, Iya lalu bejaku, “Udah tembu!” Iya lalu ngendukka pala, lalu ngapuska seput.

Udah bekau nya, lebuh Jesus nemu semua utai udah tembu magang, Iya lalu bejaku, “Aku aus.” Tu ngamatka Bup Kudus.

Lebuh Jesus meda indai Iya, enggau murid ke dikerinduka Iya bediri ngimbai iya, Iya lalu bejaku ngagai indai Iya, “Indu, tu anak nuan.” Iya lalu bejaku ngagai murid nya, “Tu indai nuan.” Berengkah ari nya murid nya lalu mai indai Jesus ngagai rumah iya empu.

Tang lebuh sida datai ngagai Jesus, lalu meda Iya endang udah mati, sida enda matahka kaki Iya. Tang siku soldadu ngerejang rusuk Jesus ngena sangkuh. Tekala nya darah enggau ai lalu ensambur pansut.

Utai tu nyadi ngambika Bup Kudus dikamatka, “Nadai siti tulang Iya dipatahka.” Siti agi genteran dalam Bup Kudus bisi mega nyebut, “Orang deka merening ngagai Iya ti udah direjang sida.”

Jesus lalu bejalai, ngesan regang Iya Empu, ngagai siti endur ti dikumbai “Endur Keruntuk,” ti dikumbai Golgota dalam Hebrew.

Sida soldadu lalu ngaga siti makota duri, lalu ngengkahka makota nya ba pala Iya, lalu ngerasukka baju panjai ti ungu ba Iya.