Popular Bible Verses from John 5

Share

“Enggau bendar Aku madah ngagai kita, orang ke ninga jaku Aku lalu arapka Iya ti udah ngirumka Aku, bulih pengidup ti meruan belama iya, lalu enda diakim, tang udah meraka ari pemati ngagai pengidup.

Lebuh Jesus meda iya, lalu nemu iya endang lama udah gali dia, Iya lalu bejaku ngagai orang nya, “Kati nuan ingin digeraika?”

Kita mansik Bup Kudus, laban kita ngumbai diri ulih tetemuka pengidup ti meruan belama iya dalam Bup Kudus. Bup Kudus nya ti besaksika pasal Aku! Tang kita enggai datai ngagai Aku lalu bulih pengidup.

Jesus lalu bejaku ngagai iya, “Angkat nuan. Bai tikai nuan, lalu bejalai.” Tekala nya orang nya lalu gerai. Iya ngambi tikai iya, lalu bejalai. Utai tu nyadi lebuh hari Sabat.

Ku Jesus bejaku ngagai sida, “Enggau bendar Aku madah ngagai kita, Anak enda ulih ngereja utai ngatika Diri, tang semina utai ti dipeda Iya kereja Apai, laban sebarang utai dikereja Apai nya mega dikereja Anak.