Popular Bible Verses from Luke 14

Share

“Barang sapa datai ngagai Aku lalu enda lebih agi rindu ke Aku ari iya ke rindu ke apai, indai, bini enggau anak, menyadi lelaki enggau menyadi indu, indah seput iya empu, enda tau nyadi murid Aku.

Barang sapa enda ngesan regang diri empu lalu nitihka Aku, enda tau nyadi murid Aku.

Laban semua orang ke ngeninggika diri, deka dikemaruhka, lalu orang ke ngemaruhka diri, deka ditinggika.”

Nya alai, baka nya mega kita: nadai siku kita tau nyadi murid Aku enti kita enda ngelengkaka semua reta tengkira kita.

Laban sapa ari bala kita ke deka ngaga sebuah menara, enda dulu ngira ungkus utai nya, ngambika iya nemu sekalika iya bisi duit kena nembuka pengawa nya? Enggai ke lebuh batu pemun udah didudukka, iya enda tetembuka pengawa nya, lalu semua orang ke meda nya deka ngeleseka iya munyi tu, ‘Ngemunka pengawa, ulih, tang nembuka pengawa, enda ulih!’

Tang lebuh nuan nyendiaka pengerami makai besai, ambi ngabang orang ke seranta, ke kait-kupit, ke lemi, enggau ke buta. Nya baru nuan deka bulih berekat, laban sida enda ulih malas pemanah nuan. Nuan deka dibayar lebuh orang ke lurus diangkatka ari mati.”

“Garam endang manah, tang enti iya nadai agi masin, baka ni ku jalai ngaga iya masin baru? Iya enda ulih dikena ngasuh tanah ami, tauka digaga nyadi baja, tang dibuai. Awakka orang ke bisi pending, ninga.”