Popular Bible Verses from Luke 22

Share

“Apai, enti Nuan deka, ambi mangkuk tu ari Aku; ukai nitihka peneka Aku, tang awakka peneka Nuan nyadi.”

tang Aku udah besampika nuan Peter, ngambika pengarap nuan kering, lalu lebuh nuan udah pulai baru ngagai Aku, keringka sida menyadi nuan.”

Iya lalu ngambi roti, lalu lebuh Iya udah meri terima kasih, Iya mechahka roti nya, lalu nyuaka nya ngagai sida, ku Iya, “Tu tubuh Aku, ti diberi ke kita. Kereja tu kena ngingatka Aku.”

Baka nya mega, lebuh sida udah badu makai, Iya ngambi mangkuk, ku Iya, “Mangkuk tu ti dituang ke kita nya sempekat baru Allah Taala ti ditanggam ngena darah Aku.

Enggau ati ti balat tusah, Iya bebendar agi besampi, datai ke peluh Iya nyau baka darah neritik ngagai tanah.

Tang utai nya enda baka nya ba bala kita. Orang ke pemadu besai dalam bala kita enda tau enda nyadi baka orang ke pemadu biak, lalu orang ke nyadi kepala enda tau enda nyadi orang ke mela.

Jesus lalu nyebut ngagai iya, “Aku madah ngagai nuan, Peter, sebedau manuk mengkukuk sehari tu, nuan udah besangkalka Aku tiga kali.”