Popular Bible Verses from एफिसी 4

Share

तर दयालु भई एक-अर्कालाई अनुग्रह गर। परमेश्‍वरले ख्रीष्‍टमा तिमीलाई माफ दिएझैँ तिमीहरूले पनि एक-अर्कालाई माफ दिने गर।

सधैँभरि नम्र, सोझो र सहनशील होओ। एक-अर्कालाई सहेर प्रेम देखाओ।

तिमीहरूको मुखबाट नराम्रो कुरो ननिस्‍किओस्, चाहिने, राम्रो र भलाइ गर्ने कुरो बोल र सुन्‍नेहरूलाई भलाइ होस्।

सबै नराम्रा कुरा, झैझगडा र रिस-राग त्‍यागिदेओ। गाली निन्‍दा गर्दै नगर, सबै किसिमका वैरभाव त्‍यागिदेओ।

तिमीहरूलाई रिस उठ्यो भने रिसले गर्दा पापचाहिँ नहोस्। घाम अस्‍ताउनुभन्दा अघि नै तिमीहरूको रिस मरिसकोस्। शैतानले मौका छोप्‍न नपाओस्।

पहिलेका आचरणहरूमा बाँच्‍ने तिमीहरूको पुरानो जीवन त्‍यागिदेओ। त्‍यही पुरानो जीवन, जुनचाहिँ तिमीहरूका कुइच्‍छाहरूको कारणले नष्‍ट भइरहेथ्‍यो। तिमीहरूका मन र आत्‍मा पूरा नयाँ होस्। नयाँ मानिस परमेश्‍वरकै स्‍वरूपमा सिर्जिएको हो अनि यसले परमेश्‍वरको अघि ठीक र पवित्र रहेको साँचो जीवन देखाउँछ। यही नयाँ स्‍वभावलाई अपनाओ।

पवित्र आत्‍माले नै तिमीहरूलाई मेलमिलापमा ल्‍याउनुभएको हो। त्‍यस एकतालाई सकेसम्‍म जोगाइराख।

उहाँले नै कसैलाई आफ्‍नो प्रेरित, कसैलाई अगमवक्ता, कसैलाई प्रचारक, कसैलाई मण्‍डलीको हेर विचार गर्ने र कसैलाई शिक्षक नियुक्त गर्नुभयो। ख्रीष्‍टका सबै पवित्र जनहरूलाई उहाँको काम गर्न सक्‍ने बनाउन र उहाँको शरीर मण्‍डलीको उन्‍नति गर्नलाई यो नियुक्ती दिनुभयो। यस प्रकार यी वरदानका कामहरूले हामीलाई विश्‍वासको एकतामा ल्‍याउन र परमेश्‍वरको पुत्रको ज्ञानमा हामीलाई बढाउन मद्दत दिइरहन्‍छन् र एक दिन हामी परिपक्‍व बन्‍नेछौं र ख्रीष्‍टकै भरिपूर्णताको मात्रामा पुग्‍नेछौं।

तब हामी स-साना केटा-केटीजस्‍ता धूर्त मानिसका विभिन्‍न शिक्षाका बतासले जता हुर्र्यायो, उतै जादैनौं। तिनीहरूले निकालेका ठग विद्याले अरूलाई कुबाटोमा लैजान्‍छ। प्रेमसँग सत्‍य बोलेर सबै कुरामा हाम्रो शिर ख्रीष्‍टजस्‍तै हामी बढ्दै जाऔं।