Popular Bible Verses from लूका 3

Share

सबै मानिसले बप्‍तिस्‍मा लिंदैगर्दा येशूले पनि बप्‍तिस्‍मा लिनुभयो र उहाँले प्रार्थना गरिरहँदा स्‍वर्ग उघ्रियो र पवित्र आत्‍मा ढुकुरको रूपमा उहाँमाथि ओर्ली आउनुभयो अनि स्‍वर्गबाट यस्‍तो आवाज आयो, “तिमी मेरा प्‍यारा पुत्र हौ, तिमीसँग म धेरै खुसी छु।”

त्‍यसो हुँदा यूहन्‍नाले सबैलाई भने, “म त तिमीहरूलाई पानीले बप्‍तिस्‍मा दिन्‍छु। तर मभन्दा ठूला एक जना आउँदै हुनुहुन्‍छ। म त उहाँको जुत्ताको फित्ता फुकाउने लायकको पनि छैन। उहाँले तिमीहरूलाई पवित्र आत्‍मा र आगोले बप्‍तिस्‍मा दिनुहुनेछ। हेर, उहाँले अन्‍न निफन्‍न हातमा नाङ्लो लिइसक्‍नुभएको छ।

तिमीहरूले साँच्‍चै आ-आफ्‍ना पापलाई मानिलिएर आफ्‍नो मन परमेश्‍वरतिर फर्काएका हौ भने त्‍यहीअनुसार चल्‍ने गर। तर ‘हामी अब्राहामका सन्‍तान हौं’ भन्‍दैमा तिमीहरू उम्‍कन्‍छौ भन्‍ने नसम्‍झ। म तिमीहरूलाई भन्‍छु, परमेश्‍वरले अब्राहामका सन्‍तानलाई यी ढुङ्गाहरूबाट पनि जन्‍माउन सक्‍नुहुन्‍छ।

रूखको फेदमा बन्‍चरो परिसकेको छ। असल फल नफलाउने सबै रूखलाई ढालेर आगोमा फालिनेछ।”

यसरी यशैया अगमवक्ताले धर्मशास्‍त्रमा लेखेका यी कुराहरू पूरा हुन आए– सुन, उजाड-स्थानमा एक जनाले ठूलो सोर निकालेर यस्‍तो भन्‍दै छन्, “प्रभु आउनुहुने बाटो तयार पार, उहाँ हिँड्‍नुहुने गोरेटाहरू सोझ्‍याओ! सबै खोल्‍सा-खोल्‍सी पुर्नुपर्छ, डाँडा-काँडा र पहाडहरू सम्‍याउनुपर्छ, घुमाउरो बाटो सोझो र अप्‍ठ्यारो बाटो सजिलो बनाउनुपर्छ अनि सबै मानिसहरूले मुक्ति देख्‍नेछन्।”