Popular Bible Verses from मर्कूस 9

Share

येशूले तिनलाई भन्‍नुभयो, “सक्‍नुहुन्‍छ भने भनी किन भन्‍छौ? विश्‍वास गर्नेलाई त सबै कुरा हुन सक्‍छ।”

यो सुनेर बुबाचाहिँले कराउँदै भने, “हजुर, म विश्‍वास गर्छु। मेरो कमजोर विश्‍वासलाई मद्दत गर्नुहोस्!”

घरभित्र पसेपछि चेलाहरूले एकान्‍तमा येशूलाई सोधे, “हामीहरूले चाहिँ त्‍यस भूतलाई किन निकाल्‍न सकेनौं?” त्‍यस किसिमको भूत त प्रार्थनाद्वारा मात्र निकाल्‍न सकिन्‍छ, अरू कुनै उपाय छैन भनेर येशूले जवाफ दिनुभयो।

नुन असल कुरो हो तर नुन नै अलिनो भयो भने केले नुनिलो बनाउने? आफूमा भएको नुनलाई जोगाइराख र आपसमा मिलेर बस।”

“मेरो नाउँमा यस्‍ता बालकलाई स्‍वागत गर्नेले मलाई नै स्‍वागत गर्छ अनि मलाई स्‍वागत गर्नेले मलाई होइन, मलाई पठाउनुहुने पितालाई नै स्‍वागत गर्छ।”

साँच्‍चै म तिमीहरूलाई भन्‍छु, कसैले तिमीहरूलाई ख्रीष्‍टका हौ भनेर मेरो नाउँमा एक गिलास पानी मात्रै पिउन दियो भने पनि त्‍यसले इनाम पाउनेछ।”

येशूले फेरि भन्‍नुभयो, “यदि कसैले ममाथि विश्‍वास गर्ने यस्‍ता सानाहरूको विश्‍वास बिगार्छ भने त्‍यसलाई त बरु घिच्रोमा जाँतो झुण्‍ड्याएर समुद्रमा फ्‍याँकिदिनु बेस हुनेछ।

अनि त्‍यसै गरी तिम्रो आँखाले तिमीलाई पापमा पार्छ भने त्‍यसलाई झिकेर मिल्‍काइदेओ किनभने आँखा भएर नरकमा पर्नुभन्दा त बरु कानो भएर परमेश्‍वरको राज्‍यमा पस्‍नु बेस हो।