Popular Bible Verses from हितोपदेश 4

Share

आफ्‍ना सोचबारे होशियार बस्, तेरो सोचअनुसार तेरो जीवन बन्‍दछ।

आफूले गर्ने कामको योजना होशियारीसाथ बना र तँ जे गर्छस्, त्‍यो ठीक हुनेछ।

कहिले झूटा नबोल्, झूटा र छल-कपटका कुराहरूबाट अलग बस्।

बुद्धि प्राप्‍त गर्नु तेरो सबैभन्दा ठूलो काम हो। अरू जे-जति पाउन सके पनि अन्‍तर्दृष्‍टि प्राप्‍त गर्‌।

धर्मी हिँडेको बाटो घाम झुल्‍केजस्‍तो हो, त्‍यो पूरा उज्‍यालो नभएसम्‍म झन्-झन् चहकिलो हुँदैजाँदछ। दुष्‍ट हिँडेको बाटो रातको अँध्‍यारोजस्‍तै हो, तिनीहरू लड्छन् तर केमा ठोकिएर लड्दै छन्, सो देख्‍दैनन्।

बुद्धिलाई नत्‍याग्, त्‍यसले तेरो रक्षा गर्नेछ, त्‍यसलाई प्रेम गर्‌, त्‍यसले तँलाई कुशलसाथ राख्‍नेछ।

तैँले जे सिकेको छस्, त्‍यो सदा याद राख्, तैँले पाएको शिक्षा तेरो जीवन हो, त्‍यसलाई राम्ररी जोगाएर राख्।

दुष्‍ट मानिसहरू गएको बाटो नपछ्या, दुष्‍टहरूको चालको नक्‍कल नगर्‌।

ए मेरा छोराहरू हो! आफ्‍ना बुबाको अर्ती सुन, तिनमा ध्‍यान देओ र तिमीहरूलाई समझशक्ति प्राप्‍त हुनेछ।