Popular Bible Verses from لوقا 3

Share

هِمّه خالق تَعمید بِرلیپ چیقاریلاندان سُنگ، عیسی-دا تَعمید بِرلیپ چیقاریلدی.‏ اُل خودایا دُغا اِدیَرکَه، آسمان آچیلیپ، مُقادِّس روح کِپدِره مِنگزِش اُنونگ اوستونه ایندی.‏ آسماندان:‏ ‏«‏سِن مِنینگ عزیز اُغلومسینگ.‏ مِن سِندِن کَن راضیدیرین»‏ دییِن سِس گِلدی.‏

یحیی اُلارا:‏ ‏«‏مِن سیزی سووا تَعمید بِریَرین، اِمّا مِندِن سُنگرا گِلجِک مِندِن-ده خاص گویچلیدیر.‏ مِن اُنونگ کُووشینینگ باغینی چُزمَگه-ده میناسیپ دَلدیرین.‏ اُل سیزی مُقادِّس روحا هِم-ده اُدا تَعمید بِرِر.‏

موندان بِیلَک اِدِن توبانگیزا میناسیپ میوه بِرینگ.‏ اُز یانینگیزدان:‏ ‏”‏بیزینگ آتامیز ابراهیمدیر“‏ دییّپ فیکر اِتمَنگ.‏ مِن سیزه شونی آیدایین:‏ خودای ابراهیم اوچین شو داشلاردان هِم فِرزِنت یارادیپ بیلیَندیر.‏

و شو زامان پالتا باغلارینگ دویبونده یاتیر:‏ قاوی میوه بِرمِیَن هِر بیر باغ چاپیلیپ، اُدا آتیلار.‏»‏

اِشعیا پیغامبارینگ کیتابیندا شِیله یازیلاندیر:‏ ‏«‏بیاباندا قیغیریانینگ سِسی:‏ ‏”‏خودایینگ یُلونی تاییارلانگ!‏ اُنونگ یُل‍لارینی دُغرولانگ!‏ هِمّه دِره‌لِر دُلدوریلار، هِمّه داغ-دِپه‌لِر پِسِلدیلِر، اِگرِم-بوغرام یُل‍لار دُغرولانار، بودور-سودور یُلجاغازلار تِکیزلِنِر.‏ شُندا هِمّه اینسانلار خودایینگ نِجات بِرشینی گُرِرلِر.‏“‏»‏