Popular Bible Verses from لوقا 7

Share

شُنونگ اوچین هِم مِن سانگا آیدیارین:‏ بو آیالینگ کَن گونَه‌لِری باغیشلاناندیر.‏ چونکی اُنونگ سُیگوسی کَندیر.‏ گونَه‌لِری آز باغیشلانانلارینگ بُلسا سُیگوسی آزدیر.‏»‏ سُنگرا عیسی اُل آیالا:‏ ‏«‏سِنینگ گونَه‌لِرینگ باغیشلاندی»‏ دییدی.‏

عیسی بُلسا آیالا:‏ ‏«‏سِنی ایمانینگ نِجات بِردی، آرقایین گیدیبِر»‏ دییدی.‏

آیال عیسانینگ اُوونده دیزینا چُکوپ آغلاپ، گُزیاشلاری بیلِن اُنونگ آیاقلارینی یووماغا باشلادی.‏ سُنگرا آیاقلارینی ساچی بیلِن سوپوریپ اُغشادی و عاطیرلی یاغ چالدی.‏

شُنونگ اوچین هِم مِن اُزومی سِنینگ یانینگا بارماغا لاییق گُرمِدیم.‏ اِمّا بیرجه سُز آیتسانگ بِس، مِنینگ خیدماتکَریم شِفا تاپار.‏ مِن هِم حُکوم آشاغینداقی آدامدیرین، ایختییاریمدا سِربازلاریما بار.‏ اُلارینگ بیرینه ‏”‏گیت“‏ دییسِم گیدیَر، باشغا بیرینه ‏”‏گِل“‏ دییسِم گِلیَر.‏ خیدماتکَریمه-ده ‏”‏شونی اِت!‏“‏ دییسِم اِدیَر.‏»‏ عیسی بولاری اِشیدیپ، اَفسَره حایران قالدی.‏ اُل ایزینا دوشوپ گِلیَن جِماغاتا طاراف اُورولیپ:‏ ‏«‏سیزه شونی آیدایین:‏ مِن حتّیٰ اسرائیل‌دا-دا شِیله اولی ایمانی گُرمِدیم»‏ دییدی.‏

شُل واقتلار عیسی کَن مِریضلِری، ناخُشلاری، تِلِکه روح اِیِلَنلِری شِفا بِریپدی، اِنچِمه کُرلِرینگ گُزلِرینی آچیپدی.‏ شونلوقدا، عیسی گِلِنلِره:‏ ‏«‏بارینگ-دا، گُروپ-اِشیدِنلِرینگیزی یحیی خابار بِرینگ:‏ کُرلِر گُریَر، آغساقلار یُرییَر، جُزامیلار پَکلِنیَر، کِرلِر اِشیدیَر، اُلولِر دیرِلیَر، قاریپلارا خوش خابار واغیظ اِدیلیَر.‏