Popular Bible Verses from KINOSOLIWANAN 20

Share

“Iyoho' no o TUHAN, i Kinorohingan dokoyu, i pinoposoliwan dokoyu do mantad hilo'd Masir, i kinoiyonon do siniliu kou do turipon. Kada' kou sambayang dot id kinorohingan do suwai, suwai ko' id doho' noo o sambayangan.

Kada' kou pomonsoi do tininganak do poiyoon do nunu nopo i hilo'd tawan, ko' i hiti'd pomogunan, ko' i hilo'd waig dot id saalom diti tana'. Kada' kou otud do tumuku' dot id tingolig om kada' kou sambayang dot id tingolig diri, tu' iyoho' no o TUHAN, i Kinorohingan dokoyu, om mada' oku i' do haro o mongoi iyo-iyo doho'. Iri nopo tulun dit araatan doho' om hukuman ku no do gisom do sinakagon diyolo' di kointolu om koingapat.

Pusohon no o tapa' om tina' dokoyu, om otogui kou i' do poingiyon do hilo'd pomogunan di patahakon ku dokoyu.

Poinggoyoon no o tadau'd Sabat om pokolidangon no o tadau'ddi.

Kada' dokoyu roito' o ngaran ku dot araat o kopomoroitan. Tu' iyoho' no i TUHAN, i Kinorohingan dokoyu, o momohukum dot isai nopo i kasala' o pamamakai do ngaran ku.

Nonuan kou dot onom o tadau do kakarajaan dokoyu, nga' iri nopo tadau'd koturu' om tadau do koundarangan, om i nokotobilang do doho'd tadau. Tontok nopo do tadau'ddi om kada' nod haro o tongoiso' piya do tulun do kumaraja', dot iyokoyu tuu ko' i tangaanak dokoyu, ko' i turipon dokoyu, ko' i tayam-tayam dokoyu, ko' i tulun do bansa'd suwai di poingiyon dot id pomogunan dokoyu.

Kada' nod haro o ginawo dokoyu do sianu di dombokon: dot iri tuu i walai diyolo', ko' i sawo diyolo', ko' i turipon diyolo', ko' i tayam-tayam diyolo', ko' i kaladai diyolo', ko' nunu nopo i haro dot id diyolo',” ka dau.

Kada' kou popoboros dit a' otopot do papasala' do tulun do suwai do tontok dot onuon kou do sasi'.

Kada' kou pagampahu'.

Kada' kou pamatai.

Kada' kou panakau.