Popular Bible Verses from KINOSOLIWANAN 5

Share

Om ongoi noddi i Musa om i Harun solowot di raja' do Masir, om boro-boros no iyolo' do poingkaa, “Poingkaa no o boros do TUHAN, i Kinorohingan do tulun dot Israil, ‘Posoliwanon no i tulun ku, om koongoi i' iyolo' kasambayang dot id doho' do hilo'd tana' do kowotuan,’ ka dau,” ka diyolo'.

Tu' mantad poddi minongoi oku polombus do boros nu dot id raja', om diri no do nintonod dau do minonginggorit di tulun nu. Om aiso' iddi o wonsoyon nu do ponulung diyolo'!” ka dau.

Om rikot noddi kawagu i Musa dot id TUHAN, om boros ka dau, “Oi TUHAN, nokuro tu' pinorikatan nu'd kosusaan i tulun nu? Nokuro tu' sinuhu' oku diya' do mongoi'd hiti?

“Isai toi o TUHAN?” ka di raja' do Masir do minuhot, “Nokuro tu' suhuon oku do tumanud do boros dau om poposoliwan do tulun dot Israil? A' oku i' kotutun do TUHAN; om a' ku i' pabanaron o tulun dot Israil do sumoliwan,” ka dau.

Nga' suhuon i' mando kasai' iyolo' do momonsoi do bata' do miagal di gulu kogumu'; kada' nod haro o tongoiso' piya do kokuri' ko' mantad di gulu. A' i' diyolo' kabagal o buruon diyolo'; gowoi poddi om mokibanar nopo iyolo' doho' do mongoi papatahak do porsombahan di sumbolion dot id Kinorohingan diyolo'! Ruhangan nogi' o kawagato' do karaja' diti tongoulun diti, do gisom id akagasan iyolo' di buruon diyolo', om aiso' indo o maso diyolo' do mokinongou do susuyon dit a' otopot,” ka dau.