Popular Bible Verses from KINAWANSAYAN 15

Share

Om pogondos nod TUHAN i Abram. Om TUHAN diri nga' nohubayaan i' dau.

Om katalib poddi iri, om haro'ddi o pinointalang do nokito di Abram, om korongou no dau o TUHAN do minoro-boros dau do poingkaa, “Kada' poddosi, oi Abram, intirungan ku i' iya' do mantad id koligagaanan om onuan ku iya' dot isomuli' dot agayo,” ka.

Om angatai noddi do TUHAN i Abram do suminoliwan, om boro-boros no iyau dot id di Abram do poingkaa, “Tingaha' pogi' do hilo'd tawan om umbalan do mongintob ilo rombituon ondung piro no o ginumu'; om iyo noddi o kogumuon do sinakagon nu,” ka dau.

Om korongou poddi kawagu di Abram o TUHAN do minoro-boros dau do poingkaa, “Okon i' ko' i turipon nu o kotungkus dilo dapu' nu, suwai ko' tanak nu i' kopio o kotungkus,” ka.

Om boros kad TUHAN dot id dau, “Osiliu nondo do sompogunan o sinakagon nu do hilo'd pomogunan do suwai. Om osiliu iyolo' do turipon do hilo', om inggori-goriton iyolo' do solinaid dot apat nahatus o toun.

Nga' boros ka di Abram do suminimbar, “Oi TUHAN, i Kinorohingan, nunu o guna' dit isomuli' nu doho', tu' iyoho' nopo om aiso' i' o tanak? Om i Iliasar noo, i tulun do Damsik, i turipon ku, o tumungkus do dapu' ku.

Om tontok nogiddi dot id kinoiyonon diri do minomonsoi o TUHAN do tumpongo dot id di Abram. Boros kad TUHAN, “Mamatos oku no do patahakon ku do sinakagon nu o koinsanai do tana' diti, do mantad di wolit do tana' do Masir om gisom do korikot di bawang dot Iprat

Ingapat po kopilombus o sinakagon di tangaanak nu, om koguli' nogindo kawagu iyolo' do hiti, tu' a' ku po uyungon i tulun dot Amori dot a' po adalaan kopio o kararaat diyolo' do gisom dot a' nondo milo dot a' hukuman,” ka dau.