Popular Bible Verses from KINAWANSAYAN 32

Share

Om boros ka di tulun, “Okon nondo ko' i Yakub o ngaran nu. Tu' nokoponokigomos ko no do Kinorohingan om tulun, om nakamanang ko i'. Om iri noddi o kopomungaranan diya' dot i Israil,” ka dau.

Om boros kaddi di tulun diri, “Poiduwo' oku tu' oruhai noddi dot anawau,” ka dau. Om boros ka di Yakub do suminimbar, “A' ku po iya' poiduwon dot a' oku po diya' abarakatan,” ka dau.

Nga' iyau nopo om minundorong i' do hiri'd pinomukiiman dau. Nga' bontol no dau o songulun o kusai om tabpaai no iyau di tulun diri, om gomoso' no iyau do gisom dot oruhai nod nosuaban.

Om boros kaddi di Yakub, “Nokotimbaba' oku no kopio do Kinorohingan. Nga' poimpasi kasai' oku i',” ka dau. Om pungaranai noddi dau i kinoiyonon diri do Poniol.

Om kopurimanai nopoddi di tulun diri dot a' iyau kamanang dot id pigamasan diri, om bobogo' no dau o guas do poo di Yakub, om kokinsol nopoddi o langaban do poo di Yakub.

Om ponguhot no i tulun, “Isai o ngaran nu,” ka dau. “I Yakub,” ka di Yakub do suminimbar.

Om boros ka di Yakub, “Sunudai oku daa do ngaran nu,” ka dau. Nga' boros ka di tulun diri do suminimbar, “A' i' minog do koilo ko do ngaran ku,” ka dau. Om barakatai noddi dau i Yakub.

A' oku no daa osorupai do rumamit do kosianan om kotorodoko' nu di pinointalang nu dot id doho', i susuhuon nu. Tu' tontok di suminoborong oku di Bawang do Yordan om aiso' i' o nunu-nunu do nigitan ku do suwai ko' iti no sukud ku. Om baino' noddi om nokoguli' oku no do miwoyo' diti duwo o pinuruan diti.

Om gisom piya'ddi do baino' nga' a' no mangakan do tonsi do poo do nintorusan o sinakagon di Israil, tu' nobobog i' o puun do poo di Yakub.

Om sambayang noddi i Yakub do poingkaa, “Oi Kinorohingan, i tukuon di Abraham, i taki-aki ku, om Kinorohingan di tukuon di Isak i tapa' ku, pokinongoho' oku no! Iya' i', oi TUHAN, o minonuhu' doho' do gumuli' kawagu do hilo'd pomogunan ku om hilo'd koobpinayan ku. Om nakabatos ko do mongilo-ilo kosonong-sonong do koinsanai'd nunu nopo do bagi' doho'.

Om pokionuon ku no kopio do posion oku diya' do mantad id di Isau, i tobpinai ku. Moddosi oku — om ooris oku do korikatan nopo dau'd hiti om mongoi i' doti' saap, om mongoi pamatai ngai' dahai om i tongoondu' om i tangaanak.