Popular Bible Verses from Lukas 15

Share

Tes nwg txawm sawvtseeg taug kev rov moog cuag nwg txiv. “Thaus nwg tseem nyob hov dleb kws tsi tau txug tsev, nwg txiv txawm pum nwg; nwg txiv hlub nwg kawg nkaus, nwg txiv txawm dlha loo moog hab puag nkaus nwg hab nwj kag nwg.

Ruaqhov kuv tug tub nuav tub tuag lawm tabsis nwgnuav rov cajsa lawm; nwg tub pluj lawm tabsis nwgnuav rov nrhav tau lawm.’ Tes suavdlawg txawm pib nojhaus ua kev zoosab.

Ib yaam nkaus le ntawd, Kuv qha rua mej has tas, thaus ib tug tuabneeg txhum tso nwg tej kev txhum tseg, mas sau ntuj ceebtsheej yuav muaj kev zoosab rua nwg heev dlua le cuajcaum-cuaj tug tuabneeg ncaajnceeg kws puab tsi cheemtsum yuav tso puab tej kev txhum tseg.

Kuv yuav sawvtseeg rov moog cuag kuv txiv hab has rua nwg tas, “Txiv, kuv tau ua txhum rua Vaajtswv hab tau ua txhum rua koj lawm.

Tug tub has rua leejtxiv tas, ‘Txiv, kuv tau ua txhum rua Vaajtswv hab tau ua txhum rua koj lawm. Kuv tsi tsimnyog ua koj tug tub ntxiv lawm.’

“Pevxaam has tas ib tug ntawm mej cov nuav muaj ibpuas tug yaaj tabsis ib tug cale pluj lawm, tug tswv yaaj yuav ua lecaag? Nwg yeej yuav tso cuajcaum-cuaj tug yaaj rua tom tshaav zaub, hab moog nrhav kuas tau tug yaaj kws pluj lawm.