Popular Bible Verses from ປະຖົມມະການ 25

Share

ພຣະເຈົ້າຢາເວ​ຕອບ​ນາງ​ວ່າ, “ມີ​ສອງ​ຊົນຊາດ​ທີ່​ຢູ່​ພາຍ​ໃນ​ເຈົ້າ; ເປັນ​ສອງ​ຊົນເຜົ່າ​ທີ່​ຈະ​ເກີດ​ມາ​ຕໍ່ສູ້​ກັນ. ສ່ວນ​ຜູ້ໜຶ່ງ​ນັ້ນ​ຈະ​ແຂງແຮງ​ລື່ນ​ກວ່າ; ຜູ້​ອ້າຍ​ຈະ​ຮັບໃຊ້​ຜູ້​ເປັນ​ນ້ອງ​ຂອງຕົນ.”

ຈຶ່ງ​ເວົ້າ​ກັບ​ຢາໂຄບ​ວ່າ, “ຂ້ອຍ​ຂໍ​ກິນ​ແກງ​ໝາກຖົ່ວແດງ​ຂອງ​ເຈົ້າ​ຈັກ​ຄຳ​ແດ່ ເພາະ​ຂ້ອຍ​ຫິວ​ຫລາຍ​ແທ້ໆ.” (ດ້ວຍ​ເຫດຜົນ​ດັ່ງ​ກ່າວ​ນີ້ ເພິ່ນ​ຈຶ່ງ​ເອີ້ນ​ເອຊາວ​ວ່າ ເອໂດມ)

ຍ້ອນ​ນາງ​ເຣເບກາ​ບໍ່ມີ​ລູກ ອີຊາກ​ຈຶ່ງ​ພາວັນນາ​ອະທິຖານ​ຕໍ່​ພຣະເຈົ້າຢາເວ​ເພື່ອ​ນາງ. ພຣະເຈົ້າຢາເວ​ຕອບ​ຄຳ​ພາວັນນາ​ອະທິຖານ​ຂອງ​ລາວ ແລະ​ນາງ​ເຣເບກາ​ຈຶ່ງ​ຕັ້ງ​ທ້ອງ.

ເອຊາວ​ຕອບ​ວ່າ, “ເອົາລະ ຂ້ອຍ​ຫິວ​ໃກ້​ຈະ​ຕາຍ​ຢູ່​ແລ້ວ ສິດ​ອ້າຍ​ກົກ​ຈະ​ມີ​ປະໂຫຍດ​ຫຍັງ​ແກ່​ຂ້ອຍ.” ຢາໂຄບ​ຈຶ່ງ​ຕອບ​ວ່າ, “ສາບານ​ກ່ອນ​ແມ​ວ່າ ເຈົ້າ​ຈະ​ມອບ​ສິດ​ອ້າຍກົກ​ໃຫ້​ຂ້ອຍ.” ເອຊາວ​ຈຶ່ງ​ສາບານ ແລະ​ຂາຍ​ສິດ​ອ້າຍກົກ​ຂອງຕົນ​ໃຫ້​ຢາໂຄບ.

ຜູ້​ທີ​ສອງ​ອອກ​ມາ​ມື​ຈັບ​ສົ້ນໜ່ອງ​ຂອງ​ເອຊາວ​ໄວ້. ສະນັ້ນ ລາວ​ຈຶ່ງ​ມີ​ຊື່​ວ່າ ຢາໂຄບ. ເມື່ອ​ລູກຊາຍ​ຝາແຝດ​ເກີດ​ມາ ອີຊາກ​ອາຍຸ​ໄດ້ 60 ປີ.

ອີຊາກ​ຮັກ​ເອຊາວ​ເພາະ​ເພິ່ນ​ໄດ້​ກິນ​ສັດ​ທີ່​ລາວ​ຫາ​ມາ​ໄດ້. ສ່ວນ​ເຣເບກາ​ນັ້ນ​ນາງ​ຮັກ​ຢາໂຄບ.