Popular Bible Verses from ປະຖົມມະການ 27

Share

ຂໍ​ໃຫ້​ພຣະເຈົ້າ​ປະທານ​ຄວາມ​ຊຸ່ມຊື່ນ ຈາກ​ສະຫວັນ​ລົງ​ມາ​ແຜ່ ລ້ຽງ​ທົ່ງນາ​ແລະ​ຕົ້ນ​ເຂົ້າ ທັງ​ເຫຼົ້າ​ອະງຸ່ນ​ໃຫ້​ມີ​ຫລາຍ. ແລ້ວ​ຫລາຍໆ​ຊົນຊາດ ຈະ​ຄຳນັບ​ຮັບ​ຄຳ​ບັນຊາ; ພ້ອມ​ພາກັນ​ຕັ້ງໜ້າ ມາ​ຂາບລົງ​ຮັບໃຊ້​ເຈົ້າ. ຈົ່ງ​ປົກຄອງ​ພວກເຂົາ​ໃຫ້​ໄດ້​ດັ່ງ​ປົກຄອງ​ນ້ອງພີ່ ເຊັ່ນ​ພີ່ນ້ອງ​ແມ່​ເຈົ້າ ຈຸ້ມເຈື້ອ​ເຫຼົ່າ​ລູກຫລານ ພວກເຂົາ​ຈະ​ພາກັນ​ມາ​ກົ້ມຂາບ ກົ້ມຄານ​ຢ້ານກົວ​ຍິ່ງ ຈິງໃຈ​ຄຳນັບ​ເຈົ້າ​ສະເໝີ​ດ້າມ ເຈົ້າພະຍາ​ແທ້​ໃດ ບັດນີ້ ພວກ​ເຜົ່າໃດ​ປ້ອຍດ່າ​ເຈົ້າ ພວກເຂົາ​ຈະ​ຖືກ​ປ້ອຍດ່າ​ກັບຄືນ ພວກ​ເຜົ່າໃດ​ອວຍພອນ​ເຈົ້າ ພວກເຂົາ​ກໍ​ຈະ​ໄດ້​ຮັບ​ພຣະພອນ​ນັ້ນ​ເໝືອນກັນ.”

ເອຊາວ​ເວົ້າ​ວ່າ, “ນີ້​ແມ່ນ​ເທື່ອ​ທີ​ສອງ​ທີ່​ລາວ​ໄດ້​ໂກງ​ລູກ ກໍ​ບໍ່ແມ່ນ​ຍ້ອນ​ລາວ​ຊື່​ຢາໂຄບ ນັ້ນ​ບໍ? ລາວ​ໄດ້​ເອົາ​ສິດທິ​ອ້າຍກົກ​ຂອງ​ລູກ​ໄປ ແລະ​ບັດນີ້​ລາວ​ຊໍ້າ​ເອົາ​ພອນ​ຂອງ​ລູກ​ໄປ​ອີກ. ພໍ່​ບໍ່ມີ​ພອນ​ຈັກ​ຢ່າງ​ເຫຼືອ​ໄວ້​ໃຫ້​ລູກ​ອີກ​ແດ່​ບໍ?”

ແລ້ວ​ອີຊາກ​ກໍ​ເວົ້າ​ວ່າ, “ເຈົ້າ​ຈະ​ພາກ​ຈາກ​ຖິ່ນ ທີ່​ສົມບູນ​ແລະ​ຮັ່ງມີ; ເຈົ້າ​ຈະ​ຂາດ​ຄວາມ​ຊຸ່ມເຢັນ ທີ່​ສະຫວັນ​ໂຜດ​ໃຫ້. ຊີວິດ​ຂອງ​ເຈົ້າ​ນັ້ນ​ຈະ​ໃຊ້​ດາບ ຮັບໃຊ້​ນ້ອງຊາຍ​ຕົນ; ແຕ່​ໃນ​ທີ່ສຸດ​ເຈົ້າ​ຈະ​ປົດປ່ອຍ​ຕົນເອງ ເປັນ​ອິດສະຫລະ​ຈາກ​ເຂົາ​ໄດ້.”

ເອຊາວ​ສືບຕໍ່​ວອນຂໍ​ພໍ່​ຂອງຕົນ​ວ່າ, “ພໍ່​ເອີຍ ພອນ​ຂອງ​ພໍ່​ມີ​ເທົ່າ​ນີ້​ບໍ? ຂໍ​ອວຍພອນ​ລູກ​ແດ່ທ້ອນ.” ລາວ​ເວົ້າ​ພ້ອມ​ທັງ​ຮ້ອງໄຫ້.