Popular Bible Verses from ມາຣະໂກ 6

Share

ມີ​ປະຊາຊົນ​ຫລວງຫລາຍ​ທຽວ​ໄປມາ ຈົນ​ພຣະເຢຊູເຈົ້າ ແລະ​ພວກ​ສາວົກ​ບໍ່ມີ​ເວລາ​ກິນ​ເຂົ້າ. ດັ່ງນັ້ນ ພຣະອົງ​ຈຶ່ງ​ກ່າວ​ແກ່​ພວກ​ສາວົກ​ວ່າ, “ຈົ່ງ​ອອກ​ໄປ​ບ່ອນ​ມິດງຽບ ເພື່ອ​ໃຫ້​ພວກເຈົ້າ​ພັກຜ່ອນ​ຈັກ​ຄາວໜຶ່ງ.”

ແລ້ວ​ພຣະເຢຊູເຈົ້າ​ກໍ​ກ່າວ​ແກ່​ພວກເຂົາ​ວ່າ, “ຜູ້​ປະກາດ​ພຣະທຳ​ໄດ້​ຮັບ​ຄວາມ​ເຄົາຣົບ​ນັບຖື​ທົ່ວ​ທຸກ​ບ່ອນ ເວັ້ນ​ໄວ້​ແຕ່​ໃນ​ບ້ານ​ເມືອງ​ຂອງຕົນ, ຍາດຕິພີ່ນ້ອງ​ຂອງຕົນ ແລະ​ຄອບຄົວ​ຂອງຕົນ.”

ພໍ​ພຣະເຢຊູເຈົ້າ​ອອກ​ຈາກ​ເຮືອ ພຣະອົງ​ກໍ​ເຫັນ​ປະຊາຊົນ​ໝູ່ໃຫຍ່ ຈຶ່ງ​ສົງສານ​ຄົນ​ເຫຼົ່ານັ້ນ ເພາະ​ພວກເຂົາ​ເປັນ​ເໝືອນ​ຝູງແກະ​ທີ່​ບໍ່ມີ​ຜູ້​ລ້ຽງ. ສະນັ້ນ ພຣະອົງ​ຈຶ່ງ​ຕັ້ງຕົ້ນ​ສັ່ງສອນ​ພວກເຂົາ​ຫລາຍ​ປະການ.

ພຣະເຢຊູເຈົ້າ​ບໍ່ໄດ້​ເຮັດ​ການ​ອັດສະຈັນ​ໃດໆ​ຢູ່​ໃນ​ເມືອງ​ນີ້ ນອກຈາກ​ພຣະອົງ​ໄດ້​ວາງ​ມື​ໃສ່​ຄົນ​ເຈັບໄຂ້​ໄດ້ປ່ວຍ​ບາງຄົນ ແລະ​ຊົງ​ໂຜດ​ຮັກສາ​ພວກເຂົາ​ໃຫ້​ຫາຍ​ດີ. ພຣະອົງ​ປະຫລາດ​ໃຈ​ຫລາຍ​ທີ່​ເຫັນ​ຊາວເມືອງ​ບໍ່ມີ​ຄວາມເຊື່ອ ແລ້ວ​ພຣະເຢຊູເຈົ້າ​ກໍໄດ້​ສັ່ງສອນ​ທົ່ວ​ທຸກ​ບ້ານ​ທີ່​ຢູ່​ອ້ອມຮອບ​ເຂດ​ນັ້ນ.

ແລ້ວ​ພຣະເຢຊູເຈົ້າ​ກໍ​ຈັບ​ເອົາ​ເຂົ້າຈີ່​ຫ້າ​ກ້ອນ​ແລະ​ປາ​ສອງ​ໂຕ​ນັ້ນ ໂດຍ​ເງີຍ​ໜ້າ​ຂຶ້ນ​ສູ່​ສະຫວັນ ແລະ​ໂມທະນາ​ຂອບພຣະຄຸນ​ພຣະເຈົ້າ ແລ້ວ​ຫັກ​ເຂົ້າຈີ່ ແລະ​ຍື່ນໃຫ້​ພວກ​ສາວົກ​ນຳ​ໄປ​ແຈກ​ຢາຍ​ແກ່​ປະຊາຊົນ ພຣະອົງ​ຍັງ​ໄດ້​ແບ່ງປັນ​ປາ​ສອງ​ໂຕ​ໃຫ້​ພວກເຂົາ​ທົ່ວ​ເຖິງ​ກັນ​ອີກ​ດ້ວຍ. ພວກເຂົາ​ກິນ​ອີ່ມ​ທຸກຄົນ. ແລ້ວ​ພວກ​ສາວົກ​ກໍ​ເກັບ​ເຂົ້າຈີ່​ແລະ​ປາ​ທີ່​ເຫຼືອ​ນັ້ນ ໄດ້​ເຕັມ​ສິບສອງ​ກະບຸງ.