Popular Bible Verses from Jɛnesis 27

Share

Ebɔrɛ e shin nɛ bunyaŋ e shi ebɔrɛso m ba sa fo nsawule kayul nseŋ shin nɛ fo kasawule e baa walɛ a wora ajibi damta. Kumo e la fanɛ adɔjibi kama nɛ a shi ayu be yiri to be adamta n ta yabra belbelso n ti so. Ebɔrɛ e shin nɛ efuli pɔtɛana be basa e ba kaa bunyaŋ fo nɛ basa be nnanto e baa gbir fo kumuli. Baa la fo sipoana kikɛ be ewura n shin nɛ fo nio be bibinyɛn kikɛ e ba kaa gbir fo kumuli. Ebɔrɛ e shin nɛ bekama nɛ baaŋ sho fo kɔnɔ e nya kɔnɔsho nɛ bekama malɛ nɛ b nɛfa fo e nya nɛfa.”

Nɛ Isɔɔ kaŋɛ mo tuto: “Mbe kela nyɔsopo nna na e ka puni ma. E daŋ kesɔ ma kekurge to be kenimu nseŋ naŋ sɔ ma nɛfa ere na. Alawude e ka bee ji Jeekɔb.” Kamalga ere be kaman nɛ Isɔɔ bishi mo tuto: “Ama fo maŋ yige nɛfa kaman yili ma a?”

Nɛ mo tuto Aizek kaŋɛ mo: “Bunyaŋ maaŋ shi ebɔrɛso m ba wushi fo kasawule; fo echenakpa nɛ kasawule lela malɛ beeŋ baa wɔ kufɔ. Fo tokobi so nɛ feeŋ baa bɔla a ji; fo alɛ beeŋ baa la fo sipo be kayɛrbi nna. Ama kachɛ nɛ fo ba diewu bre, feeŋ sɔ fo kumu ashi mbe enɔ to.”

Ndoŋ nna nɛ Isɔɔ bishi mo tuto: “N tuto nɛfa koŋwule nɛ fo kɔ a? Jande nɛfa ma alɛ gba.” Kumo be kaman nɛ e fara a shu awɔrso.