Popular Bible Verses from Luke-aku 6

Share

Munuya ngaḻṯuringkula munytjangku ungama, ka Godalu palu puṟunypaṯu nyuranya ngapartji ngaḻṯuringkula puḻka mulapalta ungkuku nyura ungkunytjitjangka waintaṟa mulapa. Palu nyura kutjupa tjuṯa tjukutjuku ungkunyangka paluṟu palu puṟunypaṯu nyuranya ngapartji tjukutjukuṯu ungkuku.”

Ka palu puṟunypa aṉangu palyangku palya tjuṯa palyalpai, kurunpa palya ngaṟala. Ka aṉangu kurangku kura tjuṯa kutju palyalpai, kurunpa kura ngaṟala. Panya tjaangku wangkapai unngunguṟu. Ka kurunpa wiṟu ngaṟanyangka, tjaangku wiṟu kutju wangkapai, palu kurunpa kura ngaṟanyangka, tjaangku kura kutju wangkapai.”

Palu wanyu Godanya kulinma panya paluṟu mukuringanyi nyura mirpaṉtju tjuṯaku mukulya puḻka nyinanytjaku munu tjanampa wiṟu palyantjaku, munu intjanungku ungkunytjaku ngapartji kulintja wiyakitjangku. Ka nyura palulanguṟu ngula puḻka mulapalta mantjilku Godalu ungkunyangka munu nyura God Katutja Puḻkaku katja uṉṯalpa mulapa nyinaku, panya paluṟu aṉangu kuralpai tjuṯaku mukuringkupai alatjiṯu munu kuliṟa wantipai tjuṯaku kuḻu.

Uwa, ngaḻṯunytjuya nyinama Mama Godanya puṟunypa panya paluṟu uwankaraku ngaḻṯunytju nyinanyi.”

Munu Jesulu piṟuku wangkangi alatji, “Aṉangu kutjupaya nyakula ngurkantaṟa kuranmankuwiyangku wantima. Panya nyura nyanga alatjingannyangka Godalu nyuranya kuḻu ngula palu puṟunypaṯu ngurkantaṟa kuranmankuku. Munuya palu puṟunytjuṯu aṉangu kutjupa nyakula ngukantja wiyangku wantima. Panya nyura nyanga alatjingannyangka Godalu nyuranya kuḻu ngula palu puṟunypaṯu kuranmankuku. Munuya aṉangu kutjupangku nyuranya kurannyangkampa palunya kalypangku kuralwiyangku wantima, ka Godalu nyuranya palu puṟunypaṯu kura palyannyangka nyakula kalypangkuṯu wantiku.

“Palu nyuralaṉa wangkanyi ngayula kulilpai tjuṯangka nyanga alatji nyurampa mirpaṉtju tjuṯaku puḻkaṟa mukuringama munuya wiṟu palyanma nyurampa kuraringkupai tjuṯaku kuḻu. Pukuḻmanamaya nyuranya kurannyangka munuya tjanampa Godala tjapinma nyuranya kuraṟa pungkunyangka. Tjinguṟu kutjupangku nyuntunya anaṟa mita-mita pungkunyangkampa mita-mita kampa kutjupa nintila piṟuku pungkunytjaku. Tjinguṟu kutjupangku nyuntumpa upukuta pauntjingaṟa nyuntulanguṟu tjulyannyangkampa mantara nyuntu kanyintja kutjupa kuḻu ungama palunya. Munu aṉangungku ngatjinnyangka ngaḻṯuringkula ungama munu kutjupangku nyuntumpa kutjupa kutjupa katinyangkampa wantima waṉaṟa maḻakungku tjulyalwiyangku.

“Uwa, panya nyura mukuringanyi aṉangu kutjupa tjuṯangku nyurampa wiṟuṟa palyantjaku. Palu wanyu nyura alatjiṯu tjanampa mukulyangku wiṟuṟa palyanma wantinytja wiyangku.

“Palu nyuralaṉa wangkanyi ngayula kulilpai tjuṯangka nyanga alatji nyurampa mirpaṉtju tjuṯaku puḻkaṟa mukuringama munuya wiṟu palyanma nyurampa kuraringkupai tjuṯaku kuḻu. Pukuḻmanamaya nyuranya kurannyangka munuya tjanampa Godala tjapinma nyuranya kuraṟa pungkunyangka. Tjinguṟu kutjupangku nyuntunya anaṟa mita-mita pungkunyangkampa mita-mita kampa kutjupa nintila piṟuku pungkunytjaku. Tjinguṟu kutjupangku nyuntumpa upukuta pauntjingaṟa nyuntulanguṟu tjulyannyangkampa mantara nyuntu kanyintja kutjupa kuḻu ungama palunya. Munu aṉangungku ngatjinnyangka ngaḻṯuringkula ungama munu kutjupangku nyuntumpa kutjupa kutjupa katinyangkampa wantima waṉaṟa maḻakungku tjulyalwiyangku.

Munu piṟuku Jesulu wangkangu tjukurpa kutjupa alatji, “Panya puṉu wiṟungka mai kura pakalpai wiya. Ka palu puṟunypaṯu puṉu kurakurangka mai wiṟu pakalpai wiyaṯu.

Panya mai uwankara pakalpai puṉu walytjangka kutju. Nyura puṯu iḻi mantjilpai puṉu tjilkatjaranguṟu munu nyura puṯu kiṟipitji mantjilpai puṉu wakalpukanguṟu.