Popular Bible Verses from Juan 8

Share

Jayawe Jesús umbɨpɨ ye omboe joko pe ñonoï wae reta: “Che ko jae tembipe rami ɨwɨ pewa reta pe, echa’ä aikuaaka chupe reta añetete wae Tumpa rewa. Jare ipotawe kía che ndiwe oï wae ndarau ye ma iko pɨ̈tumimbi pe rami. Echa’ä che amee chupe tekowe ipɨau wae jare opa mbae wae, jare jokua ko tembipe rami chupe,” jei chupe reta.

Jare jukuärái pikuaata añetete wae, jare jokua pembopoikata oï,” jei chupe reta.

Jayawe Jesús jei jokua wɨrowia jese wae reta pe: “Pe reta jekuaeño piyapo yawe jokua che pomboe wae re, jayawe añetete rewe pikota cheremimboe retarä.

“Jare tëta iya taɨ onoita mbaepuere ombopoika waerä uyeyokui wae reta. Jayawe che Tumpa Taɨrä aiko wae pombopoika yawe, añetete piyembopoikata ko,” jei Jesús chupe reta.

Erëi jae reta jekuaeño upɨrandu chupe. Jayawe Jesús uyemboɨ jare jei chupe reta: “Kía pepɨte pe mbaetɨ etei teko onoi wae, jokua rani tuyapi ita pe,” jei.

Jayawe Jesús jei chupe reta: “Che tae pewe añetete wae, kía jekuaeño uyawɨ oï Tumpa kotɨ wae, teko kachi ipionerä iko wae rami ko,” jei.

Jayawe Jesús uyemboɨ ye jare jei kuña pe: “Cherindɨ, ¿kiape pa ñonoï jokua nembɨjeko reta wae?” jei chupe. “¿Mbaetɨ ma kiawe nembɨjeko wae?” Jayawe kuña jei: “Mbaetɨ ma kiawe,” jei parawete. Jayawe Jesús jei chupe: “Che jae nunga wi numbɨjeko’ä. Ekua jare awɨye iñatima ye ndereko kachi pe,” jei chupe.