Popular Bible Verses from Lucas 24

Share

Erëi imeta mbae rani uyeyapo pewe,” jei chupe reta. “Mase, che ambouta aï pewe Espíritu Santo cheRu jei umeeta oï pewe wae. Jae outa ara wi pemɨmbaepuere waerä. Erëi pepɨtata ko kua tëta wasu Jerusalén pe jokua mbaepuere penoi rewa.” Jukuärái Jesús jei jemimboe reta pe.

Jae mbaetɨ ma kua pe oï. Ikowe ye ma ko,” jei chupe reta. “Pemandúa jae jei pewe wae re jae iko yawe pe reta ndiwe Galilea pe.

Jayawe ramo jae reta iyarakuaa uyepea jare uikuaa reta jae yepe Jesús. Erëi jupiwoiño Jesús ukañɨ chuwi reta. Jayawe jei reta iyupe: “Jáeramo yepe yayerowiaete yaiko jae tape rupi umɨesäka yandewe yawe Tumpa iñee,” jei reta.

Jei chupe reta: “Uyekuatía oï kërái Cristo pere chupe wae imeta ko uiporara jare umano, jare joko wi ikowe ye ou mbapɨ ara pe,” jei chupe reta. “Jare uyekuatía oï wi kërái ñee uyemɨmbeuta oï opaete rupi ueya reta waerä ipɨayemɨngeta jupi mbae wae Tumpa rewa jare wɨrowia kawi reta waerä jese. Jare uyemɨmbeuta oï wi kërái ipuere uyembái waerä chuwi reta mbaembae uyawɨ Tumpa kotɨ wae,” jei. “Kua mbaembae uyemɨmbeuta oï cheree re, jare uyemɨmbeuta rani Jerusalén pe jare joko wi opaete ɨwɨ rupi,” jei Jesús chupe reta.

Jare yuraa uwäe reta yawe teöwerenda pe, uecha reta ita tuicha wae uyembɨsɨrɨ ma oï teöwerenda jöke wi. Jayawe uike reta japɨpe, erëi uwäe’ä chupe reta yandeYa Jesús jetekue.