Popular Bible Verses from Lukas 10

Share

Viŋ zɔ! Mə nə kɔ̀ wutə tɨ́ viŋ tɨ́ kɨ kaꞌ viŋ jeꞌtə zɔsə, nə vəŋaa vəbwəvə, nu kee gay maa viŋ me. Mə kɔ̀ wutə tɨ́ viŋ maa məghɔꞌ vətɔ və tɨɨ vəzwitə vəbwəvə vənshə.

Tɨta Yeso bəŋsə tɨ́ ŋwə laa, «Aŋ Marta, a bɨŋ ghaysə ŋwaa wə maa vətɔ vəyaŋvə. Luu sheꞌ nu kəmuꞌ faŋ ŋkə lùu nu kwalə. Ŋkə lùu laa wə kɨ zɔ yigisə Nwi. Gə fɨ maa Meri, ŋwə shoꞌ kwiŋ jəənə, kaꞌ wə kee fì fɨ ghɔ ŋwə me.»

Wə ghɔ́ bəŋsə laa, «Vɨ nyɔ̀ꞌ shɔ laa, Kɨ kaw Mɔꞌmbi, Nwi wə, nə fwi yə yinshə, baa nə ŋwaa wə nshə, nə wutə kə kənshə, nə vənu vənshə faŋ a bɨꞌtə, baa nə laa a kɨ kaw wənjɨɨ wə yaa nshɨ-tɔ wə.»

Ŋwə gi tɨ́ vəŋ laa, «Say yɔ̀ŋ yaŋ, vɨɨ məshwi tiitə. Bàw viŋ buꞌ ghɔ tɨ́ tɨɨ məndɨɨ laa ŋwə tɔŋ vɨɨ məshwi say taa biisə. (Lùu shwenə tɨ́ viŋ. Viŋ kɨ buꞌ ghɔ tɨ́ tɨta Nwi, laa ŋwə baa shòꞌ vɨɨ faꞌ vi, tɔŋ vəŋ maa məbaytə vɨɨ vi.)

Yeso nə fɨ̀ꞌtə yigisə tii yɔ́, kɨ nii bìtə tɨ́ wuu mədeesə ŋwaꞌlə Nwi ghɔ́ laa, «A sii bɨ̀ꞌtə laa wənjɨɨ wə ntɨə faŋ ŋwə nə ŋìi taa ghɔ vəndɔꞌ nə, lùu ndə fɨ taa ŋwaa vɨɨ vì vətia nə?» Ŋwə gi laa, «Maa lùu wə ntɨə faŋ ŋwə nə gàŋtə wə ghɔ́ nə.» Yeso gi tɨ́ ŋwə laa, «Ɔŋ, lùu nɨniŋ, gə kɨ yɨ sheꞌ nɨniŋ!»

Viŋ gə nə ndwə! Viŋ kɔꞌ kɨɨ laa mə tɔ̀ŋ viŋ taa ŋwaa vɨɨ, sheꞌ faŋ vɨ tɔŋ bisə-njɨɨ taa ŋwaa nyaasə bwəsə.