Popular Bible Verses from Lukas 14

Share

«Kɨ luu wə nə jwi yɨ mə, maa kàw mə shɔ̀ɔ tii wi, nə nshu wi, nə zu wi, nə vaŋ vi, nə vaŋ-nshwi vi, baa nə ŋkee nshɨ-tɔ wi me, buu kaꞌ ŋwə kee lùu wuu məzwetə nu kaŋ me.

Wə kɨ luu kee kɨ shaꞌ fəŋkɔꞌ fə ŋkɨꞌsə fi, (kɨ beꞌsə mə ŋkee maa shəŋ ŋɨꞌ,) buu kee lùu wuu məzwetə nu kaŋ me.

Wə tɨ̀ me wə faŋ ŋwə koꞌsə ŋwaa wi, vɨ taa suꞌsə ŋwə nsi. Gə fɨ maa wə ntɨə faŋ ŋwə suꞌsə ŋwaa wi nsi, vɨ koꞌsə ŋwə yizɔ.»

Gə fɨ maa nu wuu məzwetə nu kaŋ, wə tɨ̀ me wə fɨ taa ŋwaa viŋ faŋ ŋwə kee meꞌ vətɔ vi vənshə me, buu kaꞌ ŋwə kee lùu wuu məzwetə nu kaŋ me.»

Viŋ zɔ! Nu wə faŋ ŋwə kəə beꞌsə mə, lùu yaa nu wə faŋ ŋwə kəə bɔŋ ŋii yi. Sii lùu ndə fɨ taa ŋwaa viŋ, faŋ ŋwə kəə bɔŋ ŋii yidə, faŋ ŋwə kee bɨ duꞌ nsi, bɨ̀ꞌtə ka wi, laa ŋwə taa kuꞌnə maa faꞌ ŋii yidə yɔ́ yimu? Ŋwə kɨ luu kee yɨ̀sə nɨniŋ me, bɔŋ sheꞌ shɨ ŋii kɔ́, kee metə ŋii yɔ́ me, buu vɨɨ vənshə faŋ vəŋ ye, taa shɨꞌ ŋwə, gì laa, «Wə ŋwə̀ nə bùꞌ ŋii maa məbɔŋ, kee mètə me.»

A kəə kɨ tia vɨɨ, a tìi luu mbəəsə, nə vəndwey, nə vɨɨ sɨ fɨsə, buu mənɔŋ-bwaŋnə lùu tɨ́ ghɔ, buꞌ laa kaꞌ vəŋ kee bə̀ŋsə tɨ́ ghɔ me. A yɨ̀ nɨniŋ, buu Nwi ndɔ bəŋsə tɨ́ ghɔ maa yighee njyə faŋ ŋwə ndɔ yweysə vɨɨ mbɨə faŋ vənu vəvəŋ lùu vəloomə, fɨ shɨ yiku.»

Yeso baa gì laa, «Vɨɨ vaŋ lùu yaa fəŋway. Fəŋway lùu fa jəə. Luu nə, mfə kìasə kee baa kɨ ndɨŋ me, buu sii kaꞌ vɨ yɨ kə laa mfə baa ndɨ̀ŋ? Mfə kee baa kùꞌnə ŋkee maa məmɔꞌ taa biisə me, tɨꞌnə me taa yikwə vəbu me. Vɨ mèꞌ sheꞌ dayday. - Wə ntɨə faŋ ŋwə kìi tuulə ghi zɔ, ŋwə zɔ!»