Popular Bible Verses from Matiu 25

Share

Fwàŋ taa bəŋsə tɨ́ vəŋ laa, «Viŋ zɔ! Mə naysə tɨ́ viŋ yinsəŋ laa, nu ŋkɨə faŋ viŋ nə yɨ̀ ŋkee maa wuu tɨtiꞌ fɨ taa ŋwaa vaŋ-nshwi vaŋ, viŋ yɨ̀sə lùu maa mə.»

Tɨɨ faꞌ wi gi laa, «A yɨ̀ jəə, a lùu wuu faꞌ jəə, baa lùu wuu yinsəŋ. A nə luu wuu yinsəŋ maa wee-fɨ-fa, mə taa kɔ vəyaŋ tɨ́ ghɔ. Gə nə, ŋìi taa shəŋ məŋaytə tɨɨ faꞌ wə.»

Nɨniŋ laa wə ntɨə faŋ ŋwə kìi, vɨ taa kùꞌsə tɨ́ ŋwə, ŋwə kɨ nii kìi kəyaŋ. Gə fɨ maa wə ntɨə faŋ ŋwə kee yikii me, ŋkee fa ŋkɨə faŋ ŋkə lùu ghɔ ŋwə, vɨ fi.

Yeso metə yigisə tii yɔ́, gì tɨ́ vəŋ laa, «Viŋ kɨ shi nə yikɨꞌ, buꞌ laa viŋ kee kɨ̀ɨ nə shi, tɨꞌnə me yighee njyə faŋ mə ndɔ bəŋ jwì me.»

Viŋ ŋii shɔ buꞌ laa viŋ nə kɔ̀ fazɨ shee faŋ jɨŋ nə zà mə. Twey muu nə ywèy mə, viŋ kɔ muu mə nu. Mə nə luu ndɔ, viŋ kɔ mə nə shəŋ shi.

Tɨɨ faꞌ wi gi tɨ́ ŋwə laa, «A yɨ̀ jəə, a lùu wuu faꞌ jəə, baa lùu wuu yinsəŋ. A nə luu wuu yinsəŋ maa wee-fɨ-fa, mə taa kɔ vətɔ vəyaŋ tɨ́ ghɔ. Gə nə, ŋìi taa shəŋ məŋaytə tɨɨ faꞌ wə.»

Mə nə luu nə ntɨŋ, viŋ kɔ mə nə njwi. Mə nəə zɨzasə, viŋ jwi ndèynə mə. Mə nə luu taa ŋii mfiŋ, viŋ jwi yè mə.»