Popular Bible Verses from Marcus 10

Share

Oir cha tàinig eadhon Mac an Duine a‑chum gun dèante frithealadh dha, ach a dhèanamh frithealaidh, agus a thoirt a anama fhèin mar èirig airson mhòran.

Agus air do Iosa amharc orra, thubhairt e, Do dhaoine tha seo eu‑comasach, ach chan eil do Dhia: oir do Dhia tha na h‑uile nithean comasach.

Agus thubhairt Iosa ris, Imich; shlànaich do chreideamh thu. Agus air ball fhuair e a fhradharc, agus lean e Iosa anns an t‑slighe.

Air an adhbhar sin, an nì a chuir Dia cuideachd, na cuireadh duine o chèile.

Agus air amharc do Iosa air, ghràdhaich e e, agus thubhairt e ris, Tha aon nì a dh’uireasbhaidh ort: imich, reic na bheil agad, agus thoir do na bochdan, agus bidh agad ionmhas air nèamh; agus thig, tog an crann‐ceusaidh, agus lean mise.

Agus fhreagair Iosa, agus thubhairt e ris, Ciod as àill leat mise a dhèanamh dhut? Thubhairt an dall ris, A Thighearna, mi a dh’fhaotainn mo fhradhairc.

Ach cha bhi e mar sin nur measg‐se: ach ge bè neach len àill a bhith mòr nur measg, bidh e na òglach agaibh

Gu deimhinn tha mi ag ràdh ribh, Ge bè neach nach gabh rìoghachd Dhè mar leanabh beag, nach tèid e gu bràth a‑steach innte.

Ach tha mòran air thoiseach a bhios air dheireadh; agus air dheireadh a bhios air thoiseach.

Gidheadh o thoiseach na cruitheachd, rinn Dia iad fear agus bean. Air an adhbhar seo, fàgaidh duine a athair agus a mhàthair, agus dlùth‐leanaidh e ra mhnaoi‐phòsda; Agus bidh iad araon nan aon fheòil: ionnas nach dithis iad o sin suas, ach aon fheòil.