Popular Bible Verses from Luka 5

Share

Ani harame hauḡirotene, Simona niro. “Hoeꞌa mone onamoꞌi, ebu reꞌeva feunadu ḡozone reꞌevanoꞌi!”

Simonaꞌa naenaeniro, raenaꞌa, “Eme ohere faḡa gau boro haḡaeꞌenaꞌa reꞌeva rehano, mene maneha. Rehano e ḡa ḡoere mae ḡihinadu reꞌeva feuniꞌuma.” Ebu zeꞌa reꞌeva feunirotene, reꞌeva zamaḡanoꞌe ḡozone ḡehaḡaniꞌa oḡanadu reꞌevaꞌe zigaro.

Rehano mada rae rae Iesu ane daꞌo vazeḡa oꞌoꞌa habaꞌa onamadu eꞌea kuraudo.

Eꞌe teige, eꞌe duduḡa rae zamareꞌeteꞌe azaḡa huzoga radu mene onairo. Rehano haḡai sauꞌa rae zamareꞌeteꞌe azaḡa huzadu zeḡe sauꞌanonoꞌo ḡihuroga veize onairo.”

Simona zu ane teite radiroteꞌe azaḡa niduꞌa ḡozone ḡehaḡa eꞌe horonirotene, ze zaguzagau rudaro. Zebedi ubuga ꞌaheu nize Iakobo zu Ioaneꞌe Petero teite gauinu, eꞌanoꞌo zeḡe zuni zaguzagaro. Ebu Simona, niḡa ꞌahogaꞌe Petero, aniꞌa haḡai ꞌuguḡa horonadu Iesu oda babaḡano higau bauriro. Ebu raenaꞌa, “Zuhiꞌa Boro! E'e sauꞌa vazeḡa, eꞌanoꞌo eḡe mazaonoꞌo vaḡinoꞌi!” Iesuꞌa naenaeniro. “Ago rihanoꞌi! Izidionoꞌo onamo mada nidua ḡaꞌe vaze reꞌevaziꞌuma.”

Ebu Iesuꞌa naenaeziro, raenaꞌa, “Ugi oꞌoꞌa azaḡaꞌe gohe vazeḡa mene vaḡeꞌohe, rehano ugi azaḡaniꞌa ani vaḡeꞌohe.

Ebu ze hebeti onaadu ḡauze niduꞌa modadu ane hegote onamiro.

Iesuꞌe neḡa 'ahogano radiroteꞌe zamaḡano, lefera vaze 'ahoganiꞌa ane vaḡe onairo. Ani'a Iesu horonadu ane zamao rahao ḡuḡuriro, ebu uminiro, raena'a, “Zuhiꞌa Boro, ḡa uratoꞌidene, faihoꞌi!” Ebu Iesuꞌa ꞌevoꞌa einadu vaze eꞌe oboniro, ebu raenaꞌa, “E urateꞌohe. Ḡae manoroꞌi!” ꞌOugadu lefara eꞌeꞌa zogone dauḡiro.

Rehano Iesu hariꞌe ḡarihe bororu onamiro. Ebu vaze ḡuḡuvaḡaniꞌa Iesu ḡoere abitoga zu ugizeꞌa manoroga radu ane vaḡe onairo.